საქართველოს ადვოკატთა ასოციაციის
ახალგაზრდა ადვოკატთა პროფესიაში ინტეგრაციის კომიტეტის

დ ე ბ უ ლ ე ბ ა

მუხლი 1. ზოგადი დებულებები 

1.1. სსიპ საქართველოს ადვოკატთა ასოციაციის (შემდგომში „ასოციაცია“) ახალგაზრდა ადვოკატთა პროფესიაში ინტეგრაციის კომიტეტი (შემდგომში „კომიტეტი“) წარმოადგენს ასოციაციის მუდმივმოქმედ ორგანოს.
1.2. კომიტეტი შექმნილია ასოციაციის წესდების 15.1 მუხლის „წ“ პუნქტისა და 161 მუხლის შესაბამისად. 
1.3. კომიტეტიის საქმიანობის წესს (დებულებას) ამტკიცებს ასოციაციის აღმასრულებელი საბჭო.
1.4. კომიტეტი შექმნილია უვადოდ და იგი უფლებამოსილების განხორციელებას იწყებს წინამდებარე დებულების დამტკიცებისთანავე. 

მუხლი 2. კომიტეტის საქმიანობის მიზანი 
კომიტეტის მიზანია ახალგაზრდა ადვოკატთთათვის პროფესიაში ინტეგრაციის ხელშეწყობა და ინტეგრაციის პროცესში არსებული ბარიერების დაძლევაში დახმარება.

მუხლი 3. კომიტეტის ამოცანები და საქმიანობა 

3.1. კომიტეტის ამოცანებია: 
3.1.1. ახალგაზრდა ადვოკატთა კარიერულ განვითარების და საადვოკატო საქმიანობის აქტიურად განხორციელების ხელშეწყობა;
3.1.2. ახალგაზრდა ადვოკატთა წინაშე მდგარი გამოწვევების იდენტიფიცირება და აღმოფხვრა;  
3.1.3. ასოციაციის მიერ ორგანიზებულ ღონისძიებებში და საგანმანათლებლო პროგრამებში ახალგაზრდა ადვოკატთა ჩართვის ხელშეწყობა; 
3.1.4. ახალგაზრდა ადვოკატთა საკომუნიკაციოდ სპეციალური ფორმატების შექმნა და ორგანიზება;

3.2. თავისი ამოცანების განსახორციელებლად კომიტეტი: 
3.2.1. ზედამხედველობას უწევს ასოციაციის მიერ ახალგაზრდა ადვოკატთა პროფესიაში ინტეგრაციის პროცესს;
3.2.2. ახალგაზრდა ადვოკატთა პროფესიაში ინტეგრაციის მიზნით, შეიმუშავებს ინიციატივებს, წინადადებებს და პროექტებს და წარუდგენს  ასოციაციის თავმჯდომარეს და აპარატს.
3.2.3. კორპორატიული ერთობის კომიტეტთან თანამშრომლობით ზრუნავს ახალგაზრდა ადვოკატთა სხვადასხვა ღონისძიებებში ჩართვაზე;
3.2.4. ასოციაციის აპარატთან და სასწავლო ცენტრთან თანამშრომლობით ზრუნავს ახალგაზრდა ადვოკატთათვის პრიორიტეტული სასწავლო მოდულების შემუშავებაზე.

მუხლი 4. კომიტეტის შემადგენლობა 

4.1. კომიტეტი შედგება არანაკლებ 20 ადვოკატი წევრისაგან.
4.2. კომიტეტს ჰყავს თავმჯდომარე და თანათავმჯდომარე, რომელსაც ნიშნავს და ათავისუფლებს აღმასრულებელი საბჭო. 
4.3. კომიტეტის თავმჯდომარე და თანათავმჯდომარე აირჩევა კომიტეტის უფლებამოსილების ვადით.
4.4. კომიტეტის დანარჩენ წევრებს ამტკიცებს ასოციაციის აღმასრულებელი საბჭო კომიტეტის თავმჯდომარის წარდინებით.
4.5. კომიტეტის წევრები აირჩევიან 2 წლის ვადით. შესაძლებელია კომიტეტის წევრის ხელახალი არჩევა.
4.6. კომიტეტის წევრი შეიძლება ვადამდე იქნას გაწვეული კომიტეტის შემადგენლობიდან აღმასრულებელი საბჭოს გადაწყვეტილებით, კომიტეტის თავმჯდომარის მიმართვის საფუძველზე.
4.7 კომიტეტის თავმჯდომარეს უფლება აქვს კომიტეტის საქმიანობაში მოიწვიოს სხვადასხვა დარგის ექსპერტები და იურიდიული პროფესიის წარმომადგენლები.
4.8. კომიტეტის თავმჯდომარის და თანა-თავმჯდომარის უფლებამოსილების ვადამდე ადრე შეწყვეტა შესაძლებელია აღმასრულებელი საბჭოს გადაწყვეტილებით.

მუხლი 5. კომიტეტის სხდომა 

5.1. კომიტეტი თავის უფლებამოსილების განხორცილებისას ატარებს სხდომებს, რომლებიც მოიწვევა არანაკლებ თვეში ერთხელ. სხდომის ჩატარების დრო და ადგილი გაისაზღვრება კომიტეტის თავმჯდომარის მიერ. 
5.2.კომიტეტის სხდომა ასევე შეიძლება მოწვეულ იქნას ასოციაციის თავმჯდომარის ინიციატივით. 
5.3. კომიტეტის სხდომის მოწვევის ორგანიზაციულ საკითხებს უზრუნველყოფს კომიტეტის თავმჯდომარე ან თანათავმჯდომარე.
5.4. კომიტეტის წვერებს, არაუგვიანეს 3 დღისა, კომუნიკაციის საშუალებებით ეცნობებათ სხდომის მოწვევის დრო, ადგილი და დღის წესრიგი.
5.5. კომიტეტის სხდომა უფლებამოსილია, თუ მას ესწრება კომიტეტის წევრთა მესამედზე მეტი. კომიტეტის თითოეული წევრი უფლებამოსილია დააყენოს წინადადება სხდომის დღის წესრიგში ცვლილებებისა და დამატებების შეტანის შესახებ.
5.6. კომიტეტი გადაწყვეტილებებს იღებს დამსწრე წევრთა ხმების უბრალო უმრავლესობით, თუ ამ დებულებით სხვა უმრავლესობა არ იქნება დადგენილი. ხმების თანაბრად გაყოფის შემთხვევაში გადამწყვეტია კომიტეტის თავმჯდომარის ხმა. 
5.7. კომიტეტი გადაწყვეტილებებს იღებს ღია კენჭისყრით. გადაწყვეტილება შესაძლებელია მიღებულ იქნას ელექტრონული ფოსტით დადასტურებითაც, თუკი კომიტეტის წევრების სიითი შემადგენლობის უმრავლესობა ელექტრონული ფორმით გამოხატავს თანხმობას და ეს აისახება კომიტეტის სხდომის ოქმში. 
5.8. კომიტეტის სხდომაზე დგება ოქმი, რომლსაც ადგენს მდივანი. ოქმს ხელს აწერს კომისიის თავმჯდომარე ან თანათავმჯდომარე და მდივანი, რაც ადასტურებს საოქმო ჩანაწერის სიზუსტეს. 

მუხლი 6. კომიტეტის თავმჯდომარე/თანათავმჯდომარე

6.1. კომიტეტის თავმჯდომარე კოორდინაციას უწევს კომიტეტის მუშაობას და უძღება მის სხდომებს. 
6.2. ასოციაციის თავმჯდომარის წინასწარი თანხმობის საფუძველზე, კომიტეტის თავმჯდომარეს აქვს უფლება გააკეთოს საჯარო განცხადებები კომიტეტის საქმიანობასა და კომიტეტის მიერ მიღებული გადაწყვეტილებებთან დაკავშირებულ საკითხებზე.

6.3. კომიტეტის თავმჯდომარე კომიტეტის წევრებიდან აღმასრულებელ საბჭოს დასამტკიცებლად წარუდგენს კომიტეტის თანათავმჯდომარეს.  
6.4. კომიტეტის თავმჯდომარის მიერ თავისი უფლებამოსილების განხორცილების შეუძლებლობის შემთხვევაში, ასოციაციის თავმჯდომარის ანდა თავად კომიტეტის თავმჯდომარის თხოვნის საფუძველზე კომიტეტის მუშაობას კოორდინირებას უწევს თანათავმჯდომარე. 

მუხლი 7. კომიტეტის კოორდინატორი
7.1 კომიტეტის კოორდინატორის ფუნქციებს ასრულებს საქართველოს ადვოკატთა ასოციაციის აპარატი. 
7.2. კომიტეტის კოორდინატორი, ორგანიზებას უწევს კომიტეტის შეხვედრისა და კომიტეტის სხდომის ოქმის შედგენას და მის ხელმისაწვდომობას დაინერესებული პირებისათვის. 

მუხლი 8. კომიტეტის საქმიანობის ფინანსური უზრუნველყოფა 

8.1. კომიტეტის წევრები თავის საქმიანობას ახორციელებენ საზოგადოებრივ საწყისებზე.
8.2. კომიტეტის მიერ ორგანიზებული ღონისძიებები და მოწვეული ექსპერტები შეიძლება დაფინანსდეს ასოციაციის ბიუჯეტიდან ან/და კომიტეტის მიერ, ასოციაციის თავმჯდომარესა და აპარატთან კოორდინაციით, მოძიებული გრანტის და შემოწირულობის სახსრებიდან.
8.3. კომიტეტისათვის გამოსაყოფი ბიუჯეტის ოდენობას ამტკიცებს აღმასრულებელი საბჭო.
8.4. გამოყოფილი სახსრების ხარჯვის მიმართულებებს განსაზღვრავს თავად კომიტეტი. 

მუხლი 9. ანგარიშგების ვალდებულება 
კომიტეტი ვალდებულია კომიტეტის მიერ განხორციელებული საქმიანობის შესახებ სემესტრული (6 თვის) წერილობითი ანგარიში წარუდგინოს აღმასრულებელ საბჭოს.

მუხლი 10. დებულების შეცვლა 

10.1. წინამდებარე დებულების ცვლილებებსა და დამატებებს, აგრეთვე დებულების ახალ რედაქციას, ამტკიცებს ასოციაციის აღმასრულებელი საბჭო.
10.2. დებულების ცვლილებებისა და დამატებების ან დებულების ახალი რედაქციის პროექტს ასოციაციის აღმასრულებელ საბჭოს დასამტკიცებლად წარუდგენს კომიტეტის თავმჯდომარე. 

მუხლი 11. დებულების მოქმედების ვადა 

წინამდებარე დებულება ძალაშია ასოციაციის აღმასრულებელი საბჭოს მიერ მისი დამტკიცების დღიდან და მოქმედებს კომიტეტის საქმიანობის ვადით.