საქართველოს სასამართლოს, პროკურატურისა და ადვოკატთა ასოციაციის ხელმძღვანელებმა  „იურიდიულ პროფესიათა საკონსულტაციო საბჭოს (ბენჩ-ბარი)“ მუდმივმოქმედი ფორმატის დაარსებაზე იმსჯელეს. 

იურიდიულ პროფესიათა შორის კომუნიკაციისა და დისკუსიის გზით, ბენჩ-ბარის ფორმატის ინსტიტუციონალიზაცია მნიშვნელოვნად შეუწყობს ხელს მართლმსაჯულების წინაშე არსებული პრობლემების გადაჭრასა და ერთიანი სასამართლო პრაქტიკის დანერგვას. 

ბენჩ-ბარის ფორმატი  დანერგილია და წარმატებით მოქმედებს ამერიკის შეერთებულ შტატებსა  და ევროპის მრავალ ქვეყანაში.
შეხვედრას, ასევე, ესწრებოდნენ ევროპის საბჭოს საქართველოს ოფისის და აშშ-ს საერთაშორისო განვითარების სააგენტოს ხელმძღვანელები, რომელთაც ბენჩ-ბარის მუდმივმოქმედი ფორმატის დაარსებასთან დაკავშირებით მხარდაჭერა გამოხატეს. 

შეხვედრაზე მონაწილე მხარეები შეჯერდნენ დებულების პროექტზე, რომლის ფართო განხილვა და პრეზენტაციაც უახლოეს მომავალში გაიმართება.