საქართველოს ადვოკატთა ასოციაცია, ამერიკის შეერთებული შტატების საერთაშორისო განვითარების სააგენტოს მიერ დაფინანსებულ პროგრამასთან - „კანონის უზენაესობის მხარდაჭერა საქართველოში“  (USAID/PROLoG) - თანამშრომლობის ფარგლებში, აცხადებს ტრენერთა შესარჩევ კონკურსს შემდეგ სასწავლო მოდულზე - სექსუალური შევიწროების საქმეების სამართალწარმოება: ადგილობრივი კანონმდებლობა და საერთაშორისო პრაქტიკა.

კურსის მიზანია, ადვოკატთა ასოციაციის წევრებმა შეისწავლონ დისკრიმინაციის და სექსუალური შევიწროების საქმეების ეფექტიანი სამართალწარმოება, ადგილობრივი/საერთაშორისო კანონმდებლობისა და სხვადასხვა ქვეყნების საუკეთესო პრაქტიკის გამოყენებით.

კონკურსზე რეგისტრაცია გულისხმობს შემდეგი დოკუმენტების გამოგზავნას:

• CV (ქართულ ენაზე);
• უმაღლესი განათლების ან/და შესაბამისი კვალიფიკაციის დამადასტურებელი საბუთის/დიპლომის ასლი;
• სამოტივაციო წერილი. 
• დაინტერესებულ პირებს გთხოვთ, განაცხადი გამოგზავნოთ ელ. ფოსტაზე: trainingcenter@gba.ge

საკონკურსო კომისია შედგება ასოციაციის, დონორი ორგანიზაციის წარმომადგენლებისა და დარგის შესაბამისი ექსპერტებისგან.

კონკურსის პირველი ეტაპი მოიცავს კანდიდატების შერჩევას წარმოდგენილი დოკუმენტების საფუძველზე, მეორე ეტაპი-გასაუბრებას. შერჩეული კანდიდატები,  სასწავლო მოდულის მიხედვით, გაივლიან სპეციალურ მომზადებას. 

ტრენერთა შესარჩევ კონკურსში მონაწილეობის მიღება შეუძლიათ:

• ადვოკატებს;
• სხვა პრაქტიკოს იურისტებს;
• იურიდიული ფაკულტეტების/სამართლის სკოლების პროფესორ-მასწავლებლებს; 

განაცხადების მიღება გაგრძელდება მიმდინარე წლის 10 სექტემბრამდე.

გისურვებთ წარმატებას!