განგრძობადი იურიდიული განათლების პროგრამის ფარგლებში, ადვოკატთა ასოციაცია, წინასწარ ჩატარებული გამოკითხვის შედეგად შერჩეულ აქტუალურ სამართლებრივ საკითხებზე ტრენინგებს განაგრძობს. 

პროგრამის ფარგლებში ტრენინგი ჩატარდა თემაზე: კოლექტიური შრომითი დავები. 

სამუშაო შეხვედრაზე განიხილეს შრომის სამართალთან დაკავშირებული ისეთი საკითხები, როგორებიცაა: გაერთიანების თავისუფლება, ეროვნული და საერთაშორისო სტანდარტები; პროფესიული კავშირები, როგორც დასაქმებულთა პროფესიული გაერთიანება და სხვა. 

შეხვედრას უძღვებოდა თამარ გაბისონია - ექსპერტი, ადვოკატი 

პროგრამის ფარგლებში, ტრენინგი ჩატარდა თემაზე: AI ინტელექტუალური საკუთრების სამართალში.

სამუშაო შეხვედრაზე განიხილეს თემები, როგორებიცაა: ინტელექტუალურ-შემოქმედებითი საქმიანობის ცნება, საავტორო უფლებების განმარტება და ავტორის მნიშვნელობა, ხელოვნური ინტელექტის ქმნილება და საავტორო უფლებები და სხვა. 
ტრენინგს უძღვებოდა ექსპერტი, სერგი ჯორბენაძე. 

პროგრამის ფარგლებში, ასევე, ტრენინგი ჩატარდა თემაზე: მშენებლობის კონტროლის აქტუალური საკითხები.

სამუშაო შეხვედრაზე განიხილეს ისეთი თემები, როგორებიცაა: მშენებლობის კონტროლის სახეები და მშენებლობის მაკონტროლებელი ორგანოს უფლებამოსილება; სამშენებლო სამართალდარღვევის საქმისწარმოება და სხვა.

ტრენინგს უძღვებოდა ექსპერტი უჩა ზაქაშვილი.