23-24 მარტს TMCT გთავაზობთ კურსს “პრაქტიკული ფსიქოლოგია იურისტებისთვის”.
კურსი აკრედიტირებულია „საქართველოს ადვოკატთა ასოციაციის“ მიერ (კურსის გავლის შემდეგ ადვოკატები მიიღებენ 10 კრედიტს).
კურსის მიზანია მონაწილეთათვის სამართალწარმოების ფსიქოლოგიური ასპექტების, ფსიქოლოგიური მხარდაჭერის გაცნობა, რაც დაეხმარება მათ პროფესიული საქმიანობის სწორად და ეფექტიანად განხორციელებაში.
კურსი განკუთვნილია ადვოკატებისთვის და იურიდიული განათლების მქონე ნებისმიერი დაინტერესებული პირისთვის.
კურსის ექსპერტი:
ეკატერინე თავართქილაძე - ფსიქოლოგი (ქ-ნ ეკატერინეს მრავალწლიანი პროფესიული საქმიანობიდან აღსანიშნავია მართლმსაჯულების სფეროსთან დაკავშირებულ ინსტიტუტებთან წარმატებული თანამშრომლობა. მას მნიშვნელოვანი წვლილი მიუძღვის საქართველოში არასრულწლოვანთა მართლმსაჯულების კოდექსის შემუშავებასა და დანერგვაში).
კურსი მოიცავს სამართალწარმოების პროცესთან დაკავშირებული ზრდასრული და არასრულწლოვანი პირების ფსიქოლოგიური ასპექტების განხილვას. კერძოდ:
- ადამიანთა შორის მიჯაჭვულობა, მიჯაჭვულობის დარღვევის მიზეზები და მისი გავლენა განვითარების პროცესზე;
- ადამიანის მორალური განვითარება. მორალური დილემები;
- ოჯახში ძალადობის საკითხები. განქორწინება, როგორც ფსიქოლოგიური კრიზისი;
- მოზარდობის ასაკის თავისებურებები. მოზარდთა სუბკულტურები;
- ბავშვთან ურთიერთობის თავისებურებები;
- ბავშვზე სექსუალური ძალადობის საკითხები.
მონაწილეებს სასწავლო კურსის მასალები მიეწოდებათ ელექტრონული ფორმით.
სწავლების მეთოდი - კურსი ორიენტირებულია პრაქტიკულ სწავლებაზე. გამოყენებული იქნება ზრდასრულთა სწავლების თანამედროვე მეთოდები: ,,ბრეინშტორმინგი“, დისკუსიები ფასილიტატორის ხელმძღვანელობით, მცირე ჯგუფებში განხილვა; კაზუსები/პრაქტიკული მაგალითები; პრეზენტაცია/ლექცია.
კურსის ხანგრძლივობა და გრაფიკი: კურსი მოიცავს 12 საათს (8 სესიას).
სწავლება ხორციელდება არასამუშაო დღეებში.
I დღე - 23 მარტი, 2019 (შაბათი/11:00– 17:00)
II დღე - 24 მარტი, 2019 (კვირა/11:00 – 17:00)
სასწავლო კურსის დეტალური პროგრამა მონაწილეებს გადაეგზავნებათ სწავლის დაწყების წინ.
კურსის დასრულების შემდგომ მონაწილეებს გადაეცემათ TMCT-ის სერტიფიკატი.
კურსის საფასური - კურსზე მონაწილეობის საფასური შეადგენს 290 ლარს.
მოქმედებს “თი-ბი-სი ბანკის” განვადება.
კურსის განხორციელების ადგილი - ქ. თბილისი; ი. აბაშიძის ქ. 34.
დაინტერესებულ პირებს გთხოვთ, შეავსოთ ონლაინ აპლიკაციის ფორმა შემდეგ ბმულზე: https://goo.gl/forms/nMY292I2y2WNM8iy2
რეგისტრაციის ბოლო ვადაა 18 მარტი, 2019 წ.
დამატებითი ინფორმაციისთვის გთხოვთ:
დაგვირეკოთ (+995 577) 111 401; (+995 599) 686 901;
ან მოგვწეროთ companytmct@gmail.com
იჩქარეთ! ადგილები შეზღუდულია!
