ტრენინგი თემაზე - იურისტის როლი მედიაციაში
ადვოკატთა ასოციაცია აგრძელებს წევრებისთვის განგრძობადი იურიდიული განათლების პროგრამით გათვალისწინებული ტრენინგების გარდა, სხვადასხვა ორგანიზაციასთან თანამშრომლობით დამატებითი საგანმანათლებლო ღონისძიებების შეთავაზებას.
საქართველოს უნივერსიტეტთან თანამშრომლობით, ცხადდება განაცხადების მიღება ტრენინგში მონაწილეობის მიზნით, თემაზე - იურისტის როლი მედიაციაში, რომელიც გაიმართება 2019 წლის 29 მარტს.
ტრენინგის მიზანია, მიაწოდოს მსმენელებს ინფორმაცია იმის შესახებ, თუ როგორ უნდა მიაღწიოს იურისტმა მედიაციის პროცესში წარმატებას. კერძოდ, მონაწილეები მიიღებენ პრაქტიკულ რჩევებს შემდეგ საკითხებში:
- როგორ უნდა მოემზადოს იურისტი მედიაციის პროცესისთვის;
- რა განსხვავებაა სასამართლოს და მედიაციის იურისტს შორის;
- პოზიციასა და ინტერესებს შორის განსხვავება;
- პრობლემის გადაჭრაზე ორიენტირებული უნარები;
- რა როლი აქვს მედიაციის პროცესში იურისტს.
ტრენინგის ჩატარების თარიღი: 29 მარტი
დრო: 16:00-19:00 სთ.
ადგილი: საქართველოს უნივერსიტეტი. თბილისი, მ.კოსტავას ქ.#77-ა, სართული IV, აუდიტორია #420(გ.სააკაძის მოედნის უკან).
რეგისტრაცია: ტრენინგზე დასარეგისტრირებლად გთხოვთ, შეავსოთ სარეგისტრაციო ფორმა ბმულზე
გთხოვთ, გაითვალისწინოთ, რომ ადგილები შეზღუდულია და ტრენინგზე დარეგისტრირებულად ჩაითვლება პირველი 20 ადვოკატი.
ტრენერების შესახებ ინფორმაცია:
ანა ხურციძე - არის იურისტი, ტრენერი, მედიატორი. ანა არის საქართველოს უნივერსიტეტის იურიდიული ფაკულტეტის დეკანი, აქვს საგანმანათლებო სფეროში მუშაობის დიდი გამოცდილება. 2003 წლიდან ანა იურისტად მუშაობს როგორც საჯარო, ისე კერძო სექტორში. იგი 2007 წლიდან არის ადვოკატთა ასოციაციის ეთიკის კომისიის საზოგადოებრივი წევრი. ანამ წარჩინებით დაამთავრა თბილისის სახელმწიფო უნივერსიტეტის იურიდიული ფაკულტეტის ბაკალავრიატი და მაგისტრატურა. ანა ფლობს ბიზნესის ადმინისტრირების მაგისტრის ხარისხს იტალიის ტურინის უნივერსიტეტისგან. 2019 წელს როგორც მწვრთნელმა მიიღო მესამე საპრიზო ადგილი საერთაშრისო სავაჭრო პალატის მიერ ორგანიზებულ კომერციული მედიაციის კონკურსში და INADR საერთაშრისო მედიაციის კონკურსში 4 ფინალისტ გუნდს შორის მე-2 საპრიზო ადგილი.
ნატა სტურუა - არის იურისტი, ლექტორი, მედიატორი. 2009 წლიდან მუშაობს იურისტად როგორც კერძო ისე საჯარო სექტორში. ნატამ წარმატებით დაასრულა თბილისის სახელმწიფო უნივერისტეტის იურიდიული ფაკულტეტის ბაკალავრიატი, მაგისტრატურა და დოქტორანტურა. ნატა სწავლობა ვენის სახელმწიფო უნივერსიტეტში საერთაშორისო და ევროპული ბიზნესის სამართლის მიმართულებით და ფლობს ვენის უნივერისტეტის მაგისტრის ხარისხს. 2019 წელს როგორც მწვრთნელმა მიიღო მესამე საპრიზო ადგილი საერთაშრისო სავაჭრო პალატის მიერ ორგანიზებულ კომერციული მედიაციის კონკურსში და INADR საერთაშრისო მედიაციის კონკურსში 4 ფინალისტ გუნდს შორის მე-2 საპრიზო ადგილი.
გისურვებთ წარმატებას!
