რეგისტრაცია ადვოკატთა საკვალიფიკაციო გამოცდაზე

ადვოკატთა საკვალიფიკაციო გამოცდის 2023 წლის საშემოდგომო სესიაზე რეგისტრაცია 2023 წლის 31 ოქტომბრის 12:00 საათიდან დაიწება და 24 ნოემბრის 15:00 საათამდე გაგრძელდება.

ადვოკატთა საკვალიფიკაციო გამოცდაზე რეგისტრაცია ხორციელდება დისტანციურად, ახალი ელექტრონული საგამოცდო პორტალის საშუალებით. ახალი საგამოცდო პროგრამული უზრუნველყოფა მომხმარებლებს შესაძლებლობას აძლევს საგამოცდო პროცესები ახალი და თანამედროვე ფუნქციონალის საშუალებით სრულად ელექტრონულად მართონ.

მომხმარებელზე ორიენტირებული ფუნქციონალის საშუალებით თითოეულ მომხმარებელს შესაძლებლობა გაქვთ თავად უზრუნველყოთ სრული საგამოცდო პროცესის ადმინისტრირება:

  • გაეცნოთ სიახლეებს მიმდინარე საგამოცოდო პროცესებისა და კალენდარის თაობაზე;
  • დისტანციურად შექმნათ და მართოთ საკუთარი კაბინეტი;
  • გამოცდის საფასური გადაიხადოთ ელექტრონულად (საბანკო ბარათით), რაც გამორიცხავს დამატებით საგადახდო დავალებების ასოციაციასთვის გამოგზავნას;
  • ნებისმიერი სპეციალიზაციის შემთხვევაში, გამოცხადებული საგამოცდო თარიღებიდან აირჩიოთ თქვენთვის სასურველი თარიღი;
  • პირადი კაბინეტიდან მიიღოთ დეტალური ინფორმაცია საგამოცდო სესიის თაობაზე, რომელშიც მონაწილეობა გაქვთ მიღებული;
  • გამოცდის წარმატებით ჩაბარების შემთხვევაში ელექტრონულად, მიიღოთ და ბმულის საშუალებით გააზიაროთ გამოცდის ჩაბარების დამადასტურებელი სერთიფიკატი და სხვა.

საგამოცდო პორტალზე ან/და საკვალიფიკაციო გამოცდაზე რეგისტრაციისთვის აუცილებელია შექმნათ პირადი კაბინეტი და მნიშვნელოვანია გაეცნოთ საგამოცდო პორტალის მოხმარების წესებს: 

საგამოცდო პორტალზე მომხარებლის რეგისტრაციის ვიდეო ინსტრუქცია

საკვალიფიკაციო გამოცდაზე რეგისტრაციის ვიდეო ინსტრუქცია

მნიშვნელოვანია გაითვალისწინოთ, რომ გამოცდის საფასური შეადგენს 250 ლარს და საფასურს იხდით მხოლოდ საგამოცდო პორტალზე, ელექტრონულად (საბანკო ბარათით), რაც გამორიცხავს დამატებით საგადახდო დავალებების ასოციაციასთვის გამოგზავნას.

სარეგისტრაციო პროცესში, კითხვების შემთხვევაში გთხოვთ, დაგვიკავშირდეთ შემდეგ ტელეფონის ნომერზე: 032 2 98 78 78 (შიდა ნომერი 5) ან 577 92 47 60.

გაცნობებთ, რომ ადვოკატთა საკვალიფაკაციო გამოცდა ჩატარდება 2023 წლის 13, 14 და 16 დეკემბერს. საგამოცდო პროგრამა და საგამოცდო მასალა ხელმისაწვდომია მხოლოდ ელექტრონული ფორმით და განთასებულია ადვოკატთა ასოციაციის ვებ-გვერდზე. 

გისურვებთ წარმატებას!

აღმასრულებელი საბჭო

სასწავლო ცენტრი

ეთიკის კომისია

კომიტეტები

სარევიზიო კომისია

ადვოკატები

ფონდი

ადვოკატის პროფილი