2021 წლის 23 მარტს საქართველოს ადვოკატთა ასოციაციამ წარადგინა დისციპლინური სამართალწარმოების პორტალი, რომელიც, ასოციაციის ციფრული ტრანსფორმაციის დღის წესრიგის ფარგლებში, დაემატა 2020 წელს ამოქმედებულ ადვოკატთა პორტალს. პორტალის პრეზენტაცია წარადგინა ასოციაციის აღმასრულებელმა დირექტორმა, გიორგი ჭეხანმა, და ღონისძიებას ესწრებოდნენ პრაქტიკოსი ადვოკატები, სამოქალაქო საზოგადოების ორგანიზაციების, საჯარო უწყებებისა და საერთაშორისო პარტნიორების წარმომადგენლები.
დისციპლინური სამართალწარმოების პორტალი შემუშავდა საქართველოს ადვოკატთა ასოციაციის ეთიკის კომისიის საქმიანობის მოდერნიზაციისა და გამარტივების მიზნით, ასევე დისციპლინური წარმოების უფრო ეფექტიანად და გამჭვირვალედ განხორციელების უზრუნველსაყოფად.
დისციპლინური სამართალწარმოების პორტალის ინტეგრაცია ადვოკატთა პორტალში წარმოადგენს მნიშვნელოვან ნაბიჯს საპროცესო ეფექტიანობის გაძლიერების, სათანადო სამართლებრივი პროცედურების დაცვისა და დისციპლინური სისტემის მიმართ ნდობის განმტკიცების მიმართულებით.
