19 დეკემბერს, საქართველოს ადვოკატთა ასოციაციამ წარადგინა ახალი, ულტრათანამედროვე და მრავალფუნქციური ვებპლატფორმა, რაც ასოციაციის ციფრული ტრანსფორმაციისა და გამჭვირვალობის დღის წესრიგის პირველი მნიშვნელოვანი ეტაპია. პრეზენტაციას ესწრებოდნენ აღმასრულებელი საბჭოსა და ეთიკის კომისიის წევრები, პრაქტიკოსი ადვოკატები და პარტნიორი ორგანიზაციების წარმომადგენლები. ახალი პლატფორმა და მისი ძირითადი ფუნქციონალი დამსწრე საზოგადოებას ასოციაციის აღმასრულებელმა დირექტორმა, გიორგი ჭეხანმა გააცნო.

ახალი ვებპლატფორმის ცენტრალურ ინოვაციას წარმოადგენს ადვოკატთა საჯარო ელექტრონული რეესტრი. რეესტრი მოიცავს მოქმედი სტატუსის მქონე ყველა ადვოკატის შესახებ საჯაროდ ხელმისაწვდომ მონაცემთა ბაზას, რაც მნიშვნელოვნად ზრდის გამჭვირვალობას და ამარტივებს გადამოწმებული პროფესიული ინფორმაციის ხელმისაწვდომობას მოქალაქეებისა და საჯარო თუ კერძო ინსტიტუტებისთვის.

ადვოკატთა რეესტრის გარდა, ვებპლატფორმა აერთიანებს არაერთ პრაქტიკულ ფუნქციას ადვოკატებისთვის, მათ შორის ასოციაციის საქმიანობის ყველა მიმართულების შესახებ ინფორმაციის გამარტივებულ ხელმისაწვდომობას. პლატფორმა სრული დატვირთვით ამოქმედდა 2019 წლის იანვრიდან და გათვლილია როგორც იურიდიული პროფესიის წარმომადგენლების, ისე ფართო საზოგადოების საჭიროებებზე.