საგანმანათლებლო ღონისძიებ(ებ)ის აკრედიტაციის მიზანია საქართველოში ხარისხიანი მართლმსაჯულების განხორციელების ხელშეწყობა, ადვოკატთა პროფესიული კვალიფიკაციის ამაღლება, იურიდიული მომსახურების ხარისხის გაუმჯობესება და მომხმარებელთა ინტერესების ეფექტიანი დაცვის უზრუნველყოფა.

აკრედიტებული საგანმანათლებლო ღონისძიების სტატუსი მიენიჭება ორგანიზაციის/ინსტიტუტის მიერ ჩატარებულ ღონისძიებას, რომელიც აკმაყოფილებს საგანმანათლებლო ღონისძიების აკრედიტაციის შესახებ დებულებით განსაზღვრულ მოთხოვნებს. საგანმანათლებლო ღონისძიებას აკრედიტაცია ენიჭება ერთჯერადად და აღნიშნულზე გადაწყვეტილებას იღებს ადვოკატთა ასოციაციის აღმასრულებელი საბჭო.