თამთა დევდარიანი

ასოციაციის კომიტეტების კოორდინატორი

სსიპ-საქართველოს ადვოკატთა ასოციაციის აღმასრულებელი საბჭოს გადაწყვეტილებით, 2019 წლის სექტემბრიდან თამთა ასოციაციის კომიტეტების კოორდინატორის პოზიციას იკავებს, ხოლო 2019 წლის თებერვლიდან 2019 წლის სექტემბრამდე თამთა ამავე ასოციაციის, “მედიაციის და არბიტრაჟის კომიტეტის” თავმჯდომარე იყო, ასევე სსიპ-საქართველოს ადვოკატთა ასოციაციის მოქმედი ადვოკატია - სამოქალაქო სამართლის სპეციალიზაციით. თამთა ადვოკატის სტატუსით ჩართულია, სსიპ-საქართველოს ადვოკატთა ასოციაციისა და ფონდ “ღია საზოგადოება საქართველოს” მხარდაჭერით, 2018 წლის 1 ივლისიდან წამოწყებულ პრობონო პროექტში, რომელიც მიზნად ისახავს შეზღუდული შესაძლებლობების მქონე პირებისა და პალიატიური მზრუნველობის საჭიროების მქონე პაციენტებისთვის უფასო იურიდიული მომსახურების გაწევას. მას კორპორაციულ იურისტად მუშაობის დიდი გამოცდილება აქვს.
უფრო ვრცლად:
2005-2009 წლებში თამთა სწავლობდა საქართველოს ტექნიკური უნივერსიტეტის, ჰუმანიტარულ-სოციალურ ფაკულტეტზე და ფლობს ბაკალავრის ხარისხს სამართალმცოდნეობის სპეციალობით, სწავლის პერიოდში გავლილი აქვს სტაჟირება “საქართველოს ეკონომიკისა და მდგრადი განვითარების სამინისტროს” - სასამართლოებთან ურთიერთობის დეპარტამენტში, 2012 წელს კი წარამეტით დაამთავრა “LL.M zu Köln”  გერმანულენოვანი სამართლის სამაგისტრო პროგრამა. სამაგისტრო პროგრამის დაუფლების პერიოდში (2011-2012 წ.) მუშაობდა გერმანიის ფედერაციული რესპუბლიკის საერთაშორისო თანამშრომლობის საზოგადოების (“GIZ”) კერძო სექტორის განვითარების პროგრამა საქართველოსა და სამხრეთ კავკასიაში - პროექტის ადმინისტრაციულ სამსახურში. 2018 წელს წარმატებით დაასრულა “ჩიკაგო -კენტის ამერიკული სამართლის სკოლის” - იურიდიული ინგლისურის შემსწავლელი პროგრამა.
თამთა 2014-2016 წლებში იკავებდა საქართველოს სოფლის მეურნეობის სამინისტროს სისტემაში შემავალ, ააიპ-სოფლის მეურნეობის პროექტების მართვის სააგენტოს, შპს “მექანიზატორი”-ს იურიდიული, ქონების მართვის და შესყიდვების” განყოფილების იურისტის (მთავარი სპეციალისტი) თანამდებობას. 2016 წლიდან - დღემდე მუშაობს საქართველოში არსებულ ჰოლდინგ “სმარტ კაპიტალ გრუფის” სტრუქტურაში შემავალ, ინფრასტრუქტურულ და ნავთობთან (ნავთობპროდუქტების რეალიზაცია, ტრანსპორტირება და ლოჯისტიკა)  დაკავშირებული პროექტების მიმართულებით არსებული კომპანიების კორპორაციულ იურისტად. 
თამთა ასოციაციის ფარგლებში აქტიურად არის ჩართული მედიაციის შესახებ კანონპროექტის დამუშავებისა და საქართველოში მედიაციის განვითარების ხელშეწყობის პროცესებში. ის გარდა მშობლიური ენისა ფლობს ინგლისურ, გერმანულ და რუსულ ენებს.
 

აღმასრულებელი საბჭო

სასწავლო ცენტრი

ეთიკის კომისია

კომიტეტები

სარევიზიო კომისია

ადვოკატები

ფონდი

ადვოკატის პროფილი