.menu li:hover ul{ display:block; }
  • საქართველოს ადვოკატთა ასოციაცია კიდევ საკანონმდებლო წინანადებას აყენებს

    საქართველოს პარლამენტს უკვე გადაეგზავნა საკანონმდებლო წინადადება, რომელიც გულისხმობს 

    საქართველოს სამოქალაქო საპროცესო კოდექსის ცვლილების პროექტს:

    (1) 94-ე მუხლის, პირველი ნაწილის “დ” პუნქტი ამოღებულ იქნას;

    (2) მუხლი 440-ე მუხლიჩამოყალიბდესშემდეგირედაქციით:

    მუხლი 440 წარმომადგენლისსაქმიანობისშეზღუდვასამოქალაქოპროცესში

     პირებს, რომლებიც არ არიან გაწევრიანებული საქართველოს ადვოკატთა ასოციაციაში, ეკრძალებათ წარმომადგენლის უფლებამოსილების განხორციელება როგორც პირველი, ისე სააპელაციო და საკასაციო ინსტანციების სასამართლოებში, გარდა სახელმწიფო ხელისუფლების ორგანოს, ადგილობრივი თვითმმართველობის ორგანოს, ორგანიზაციების თანამშრომლებისა – ამ ორგანოებისა და  ორგანიზაციების საქმეებზე.

    სრულად წაკითხვა
  • ადვოკატთა ასოციაციაში ახლადგაწევრიანებულ ადვოკატებთან შეხვედრა გაიმართა

    17 იანვარს, საქართველოს ადვოკატთა ასოცაციის სასწავლო ცენტრის საკონფერენციო დარბაზში, ახლადგაწევრიანებულ ადვოკატებთან საინფორმაციო შეხვედრა გაიმართა, რომელსაც ადვოკატთა ასოციაციის თავმჯდომარე ზაზა ხატიაშვილი უძღვებოდა.

    ადვოკატებმა მოისმინეს ინფორმაცია ადვოკატთა ასოციაციის მიმდინარე პროექტების, სასწავლო ცენტრის საქმიანობის შესახებ. დიდი ინტერესი გამოიწვია ადვოკატის სკოლის, ადვოკატის ინსტიტუციური დაცვის და ადვოკატის პროფესიის რეგულაციების გაცნობამ.

    ზაზა ხატიაშვილმა აღნიშნა, რომ ადვოკატთა ასოციაციისთვის პრიორიტეტული იქნება ახალგაწევრიანებული ადვოკატების დახმარება და ხელშეწყობა სამომავლო კარიერული წინსვლისთვის.

    შეხვედრას  ესწრებოდნენ ადვოკატთა ასოციაციის აღმასრულებელი მდივანი ინგა ნებიერიძე, საერთაშორისო მდივანი დავით ასათიანი და აღმასრულებელი საბჭოს წევრი ირაკლი ყანდაშვილი.

    სრულად წაკითხვა
  • პატივცემულო ადვოკატებო

    საქართველოს პარლამენტის თავმჯდომარის დადგენილებით, სახელმწიფო საკონსტიტუციო კომისიის წევრად არჩეულ იქნა ადვოკატთა ასოციაციის საერთაშორისო მდივანი და აღმასრულებელი საბჭოს წევრი ბ-ნი დავით ასათიანი, რომელიც მონაწილეობას მიიღებს ადამიანის უფლებათა და სასამართლო ხელისუფლების საკითხთა სამუშაო ჯგუფში.
    საქართველოს კონსტიტუციის გადასინჯვის პროცესში ადვოკატთა მაქსიმალური ჩართულობის მიზნით, მივესალმებით ყველა იდეას, მოსაზრებას თუ წინადადებას, რომელიც შეგიძლიათ მოგვაწოდოთ ადვოკატთა ასოციაციის სამართლის უზენაესობის და მართლმსაჯულების რეფორმების  კომისიის მეშვეობით - http://gba.ge/ka/399
    ამასთან, დაინტერესებულ ადვოკატებს, რომელთაც სურთ მონაწილეობა მიიღონ საქართველოს ადვოკატთა ასოციაციის სამართლის უზენაესობის და მართლმსაჯულების რეფორმების კომისიის მუშაობაში, გთხოვთ, თქვენი განცხადება და მოკლე რეზიუმე გამოაგზავნოთ შემდეგ ელექტრონულ მისმართზე: info@gba.ge 

     წინადადებების მიღების ბოლო ვადა: 10.01.2017. 
    სრულად წაკითხვა
  • საქართველოს ადვოკატთა ასოციაციის თავმჯდომარე პროკურატურას ფეოდალიზმის დამკვიდრებაში ამხელს

    ფეოდალიზმი სამეგრელოს პროკურატურაში !

    ზუგდიდის  რაიონული  პროკურატურია  და  სამეგრელო ზემო-სვანეთის საოლქო პროკურატურა  განლაგებულია ერთ შენობაში, რომელიც  ქალაქ ზუგდიდში მდებარეობს.  

    საქართველოს ადვოკატთა ასოციაციის ადვოკატები, რომელთაც სურთ საჩივარი ან განცხადება პირადად შეიტანონ  პროკურატურის  კანცელარიაში,  ეკრძალებათ  პროკურატურის შენობაში  შესვლა და კანცელარიის მეშვეობით საჩივრის ან განცხადების შეტანა.  პროკურატურის შენობის შესასვლელში დგას ორი ჯარისკაცი, რომლის მოვალეობაში, სავარაუდოდ, შედის  ადვოკატის მიერ პროკურატურაში შესატანი საჩივრის ან განცხადების წაკითხვა და შემდგომში კანცელარიაში ჩაბარება.  სამეგრელოში მოღვაწე ადვოკატების ინფორმაციით დამამცირებელია ის ფაქტი, რომ მათ ეკრძალებათ პროკურატურის კანცელარიაში შესვლა და  საჩივარს ან განცხადებას მხოლოდ შენობის წინ მდგომი  ჯარისკაცის მეშვეობით აბარებენ. 

    ზუგდიდის რაიონული პროკურატურა და სამეგრელო ზემო-სვანეთის საოლქო პროკურატურა უხეშად არღვევენ ადვოკატის უფლებებს და ადვოკატს უკრძალავენ განახორციელოს თავისი  საქმიანობა  ყოველგვარი ჩარევის და შეზღუდვის გარეშე.

    გაეროს ძირითადი პრინციპები ადვოკატის როლის შესახებ, რომელსაც აქვს კანონის ძალა ადგენს :

    მუხლი16 : სახელმწიფოებმა უნდა უზრუნველყონ, რომ ადვოკატებმა შეძლონ თავიანთი პროფესიული საქმიანობის შესრულება, დაშინების, დაბრკოლების, ღირსების შელახვის და არასათანადო ჩარევის გარეშე.

    მუხლი 10. არც ერთ სასამართლოს ან ადმინისტრაციულ ორგანოს, სადაც აღიარებულია წარმომადგენლობაზე უფლება, არა აქვს უფლება უარი უთხრას ადვოკატს წარსდგეს სასამართლოს წინაშე თავისი კლიენტის დასაცავად.

    21 საუკუნეში, ადვოკატს უარი უთხრა ჩააბაროს საჩივარი ან განცხადება პროკურატურის კანცელარიაში, ეს არის ფეოდალიზმის დამკვიდრების მცდელობა.

    ევროკავშირში შესვლის მსურველი საქართველოს მიერ, ფეოდალური მიდგომა ადვოკატებთან მიმართებაში, რომელიც არ ხდება არცერთ ნორმალურ სახელმწიფოში, მიუთითებს საქართველოში  ადვოკატის ინსტიტუტის დაკნინებას სახელმწიფო დონეზე.

    საქართველო როგორც იქნა გამოვიდა „დემოკრატიის შუქურას“ მმართველობის ხანიდან, რომელმაც ქვეყანა სამართლებრივ ჭაობში შეიყვანა,  მაგრამ სამწუხაროდ ისევ „ფეოდალიზმის შუქურას“  ხანისკენ  მიექანება.

    სრულად წაკითხვა
  • საჯარო ლექცია შავი ზღვის უნივერსიტეტში

    საქართველოს ადვოკატთა ასოციაციის თავმჯდომარე ზაზა ხატიაშვილი  შავი ზღვის საერთაშორისო  უნივერსიტეტს ეწვია და  უნივერსიტეტის რექტორს, ილიას ჩილოღლუს შეხვდა. მან  სტუდენტებთან საჯარო ლექცია გამართა, სადაც  ადვოკატის პროფესიის მნიშვნელობაზე და  სტრასბურგის სასამართლოს გადაწყვეტილებების აღსრულების პრობლემაზე ისაუბრა.  ადვოკატთა ასოციაციის თავმჯდომარემ სტუდენტების შეკითხვებს უპასუხა.   

    სრულად წაკითხვა
  • სიმპოზიუმი ბიზნეს სამართალში

    27-29 ოქტომბერს სასტუმროში ,,მუზეუმი“   ბიზნეს სამართლის სიმპოზიუმი გაიმართა.

     სადაც  განხილული იყორიგი აქტუალური საკითხები,

     როგორიცაა ბიზნესსამართლებრივი დავების

     სწრაფად და ეფექტიანად გადაწყვეტა,  გარანტიები

     და მათიმნიშვნელობა, კორპორაციული საფარველი,

     საგადასახდო დავალიანები გადაკისრება

    ,პერსონალური მონაცემებისა და შრომის

     სამართლის საკითხები.აღსანიშნავია, რომ

     ასეთი მასშტაბისა და ფორმატის ბიზნეს

     სამართლის სიმპოზიუმი  საქართველოში 

    პირველად ჩატარდა. "სამდღიან სიმპოზიუმზე მოწვეული იყოასზე მეტისტუმარი, 

    ადვოკატები, მოსამართლეები, ზოგადად იურიული 

    პროფესიის წარმომადგენლები; ამასთან, ბიზნეს 

    სამართლისყველაზე აქტუალური საკითხები პირველად გახმაურებული იქნა ადამიანის უფლებების კუთხით, რაც დღეს, თავის მხრივ, გამოწვევაა ქართულ სამართალში", – განაცხადასაქართველოს ადვოკატები დამოუკიდებელი პროფესიისათვის, აღმასრულებელმადირექტორმა, ადვოკატმა    ქეთევან ბუაძემ.

     სიმპოზიუმზემომხსენებლები იყვნენბიზნეს სამართალში მოღვაწე წამყვანი სპეციალისტები, ექსპერტები და ადვოკატები. ასევე, ექსპერტი გერმანიიდან, ბერლინიდან, კერძოდ,ადვოკატი, დოქტორი კორნელიუს ქლაინენი.

     ღონისძიების ორგანიზატორი იყო"საერთაშორისო სამართლებრივი თანამშრომლობის" გერმანული ფონდი (IRZ), საქართველოს ადვოკატები დამოუკიდებელი პროფესიისათვის(გლიპ), საქართველოს ადვოკატთა ასოციაციის კომერციული სამართლის კომიტეტი და დავით ბატონიშვილის სამართლის ინსტიტუტი.

    სრულად წაკითხვა
  • გიორგი მარგველაშვილი - ადვოკატებზე ნებისმიერ ზეწოლას განვიხილავ იმ ღირებულებებზე ზეწოლად, რომლის დაცვასაც კონსტიტუცია გვავალებს

    საქართველოს პრეზიდენტი გიორგი მარგველაშვილი ადვოკატის დღესთან დაკავშირებით საქართველოს ადვოკატთა ასოციაციას ეწვია და პრეზიდენტის სარეზერვო ფონდის მხარდაჭერით განახლებული და აღჭურვილი სასწავლო ცენტრი გახსნა.
    პროექტი “იურიდიულ პროფესიაში შესვლის, ახალი სტანდარტების დანერგვის რეფორმის მატერიალურ ტექნიკური მხარდაჭერა’, რომელიც პრეზიდენტის სარეზერვო ფონდიდან დაფინანსდა, მიზნად ისახავს საქართველოს ადვოკატთა ასოციაციის ინსტიტუციურ განვითარებასა და ადვოკატის სავალდებულო სტაჟირების სისტემის დანერგვის ხელშეწყობას.
    საქართველოს პრეზიდენტმა მადლობა გადაუხადა ადვოკატთა ასოციაციისა და პრეზიდენტის ადმინისტრაციის წარმომადგენლებს აღნიშნული პროექტის მხარდაჭერისა და განხორციელებისათვის და აღნიშნა, რომ ადვოკატთა სასწავლო ცენტრი ადვოკატთა კორპუსის გაძლიერებას ემსახურება, რომელთა გარეშეც შეუძლებელია ქვეყანაში შედგეს სამართლიანი საზოგადოება, სამართლიანი სასამართლო, შედგეს სამართლებრივი სახელმწიფო.
    „ადვოკატის პროფესია, ძალიან ძლიერ მორალურ სიმტკიცეს მოითხოვს, რადგან თქვენ ითავისებთ ბრალდებულის პოზიციას და ცდილობთ საზოგადოებას და სახელმწიფოს დაუმტკიცოთ, რომ ყველა ბრალში არსებობს რაღაც გამამართლებელი პოზიცია.
    თქვენ იცავთ სწორედ იმას, რის დაცვასაც საქართველოს კონსტიტუცია მეც მავალებს - ადამიანის უფლებებს. ყველა ადამიანის უფლებაა მიიღოს სამართლიანი სასამართლო.
    თქვენ ბევრი რამე გადაიტანეთ. ჩვენ გვსმენია იმ ადვოკატების შესახებ, რომელთაც სისტემა ხშირად ძალიან ბრუტალურად ექცეოდა და გვსმენია იმის შესახებაც, როგორ მტკიცედ ერთიანდებოდით თქვენ მათ დასაცავად.
    ეს ბუნებრივიცაა, რადგან საზოგადოებაში, რომელიც ვითარდება ხშირადაა გადაცდომები. მიხარია, რომ ის ადამიანები, რომელბმაც საქართველოს მოქალაქეები უნდა დაიცვან, თავიანთი პროფესიული ცოდნის ნაწილს აქ, ამ სასწავლო ცენტრში მიიღებენ. 
    გარკვეულწილად, ის საქმე და თანამშრომლობა, რომელიც ჩვენს შორის შედგა დაეხმარება მათ ემსახურონ მთავარს - ჰუმანური და დემოკრატიული სახელმწიფოს შექმნას, რომელშიც ადამიანები სამართალზე დაყრდნობით აშენებენ ძლიერ სახელმწიფოს“, - აღნიშნა გიორგი მარგველაშვილმა ადვოკატთა ასოციაციაში სიტყვით გამოსვლისას.
    საქართველოს პრეზიდენტმა კიდევ ერთხელ დაუდასტურა ადვოკატთა კორპუსს მისი პატივისცემა და მხარდაჭერა.
    „ნებისმიერ შემთხვევაში, როდესაც რაიმე ტიპის ზეწოლა იქნება ადვოკატებზე, თავიანთი საქმიანობის განხორციელების პროცესში, მე განსაკუთრებით მხარს გიჭერთ, თქვენს გვერდით ვდგავარ და მზად ვარ გავაკეთო შესაბამისი პოლიტიკური განცხადებები, რადგან ჩვენ ერთ საქმეს ვაკეთებთ. 
    ჩემი ფუნდამენტური პასუხისმგებლობა საქართველოს მოქალაქეების კონსტიტუციური უფლებების დაცვაშია, რეალურად, ყოველდღიურობაში კი, ამას ახორციელებთ თქვენ და თქვენზე ნებისმიერ ზეწოლას, მე განვიხილავ იმ ღირებულებებზე ზეწოლად, რომელთა დაცვასაც მეც და თქვენც გვავალებს კონსტიტუცია“, - აღნიშნა საქართველოს პრეზიდენტმა.
    სასწავლო ცენტრში სტუმრობისას გიორგი მარგველაშვილი საქართველოს ადვოკატთა ასოციაციამ ადვოკატის პროფესიის განვითარებაში შეტანილი წვლილისათვის ლუარსაბ ანდრონიკაშვილის ორდენით დააჯილდოვა.

    სრულად წაკითხვა
  • სისხლის სამართლის კომიტეტმა სამუშაო შეხვედრა გამართა

    2016 წ. 19 დეკემბერს ადვოკატთა ასოციაციაში გაიმართა სამუშაო შეხვედრა ადვოკატთა ასოციაციის სისხლის სამართლის კომიტეტის წევრებსა და  სიფა-ს სისხლის სამართლის ექსპერტებს  შორის.

    საქართველოს იურიდიული ფირმების ასოციაცია ფონდ „ღია საზოგადოება საქართველოს“ მხარდაჭერით ახორციელებს პროექტს „ სისხლის სამართლის საპროცესო კოდექსში მხარეთა შეჯიბრებითობის უზრუნველყოფის მიზნით რეკომენდაციების შემუშავება“, რომლის ფარგლებში გათვალისწინებულია დანაშაულის პროვოცირების  2015-2016 წწ. საქმეებისა და  სტრასბურგის  ადამიანის უფლებათა სასამართლოს უახლესი პრაქკტიკის კვლევა და ანალიზი.

     ამ თვალსაზრისით  ძალიან მნიშვნელოვანია თითოეული კოლეგის/ადვოკატის გამოცდილებისა და  მოსაზრებების მოსმენა და გაზიარება, რაც სწორედ ამ  შეხვედრის მთავარ მიზანს წარმოადგენდა.

    სიფა განაგრძობს  ადვოკატთა ასოციაციის სისხლის სამართლის კომიტეტის წევრებთან აქტიურ თანამშრომლობას პროექტის განხორციელების ყველა ეტაპზე. 

    სრულად წაკითხვა
  • ზაზა ხატიაშვილის განცხადება სასამართლოს რეფორმის მესამე ტალღასთან მიმართებაში ანუ სასამართლოს სრული „მურუსიზაცია“

    საქართველოს პარლამენტმა, კანონპროექტი სასამართლოს მესამე ტალღასთან მიმართებაში სამი მოსმენით მიიღო, რომლის მსგავსი საშინელება ძნელად წარმოსადგენია. ჟურნალისტთა კორპუსი თუ არ დამიდგებით  გვერდით, საქართველოში საბოლოოდ გაფორმდება სასამართლო სისტემის ,,მურუსიზაცია“.

    პატივცემულო ჟურანალისტებო, მინდა შეგახსენოთ საქართველოს „ბედნიერი“ იუსტიციის მინისტრის ბრიფინგი და განცხადებები სასამართლოს რეფორმის მესამე ტალღასთან მიმართებაში. კერძოდ, წულუკიანი აცხადებდა, რომ მოხდებოდა სასამართლოს თავმჯდომარეების არჩევა, რაც   სასამართლოს დამოუკიდებლობას გაამყარებდა. პატიოსან, მიუკერძოებელ, თავისუფალ ჟურნალისტთა კორპუსს მოგმართავთ თხოვნით, გამოაქვეყნოთ წულუკიანის ორი წლის წინანდელი  სატალევიზიო გამოსვლები, სასამართლოს თავმჯდომარეების არჩევითობასთან დაკავშირებით და  საკონსტიტუციო უმრავლესობის მიერ მიღებულ კანონპროექტს შეადაროთ, რომელსაც საქართველოს პრეზიდენტმა თუ არ დაადო ვეტო, ამ ქვეყნის სამართლებრივი განვითარების 1 % შანსიც აღარ დაგვრჩება. ადვოკატთა ასოციაციის თავჯდომარე ვაცხადებდი, რომ არ იქნებოდა არანაირი  სასამართლოს რეფორმის მესამე ტალღა, ხელსუფლება გარიგებული იყო მურუსიძეებთან, მაგრამ არავინ  დამიჯერა.   როგორ არ დამიჯერა, როდესაც  სამოქალაქო საზოგადოებისგან გვერდში დგომას ვითხოვდი, რათა სასამართლოს სისტემაში ხელმეორედ არ არჩეულიყო  ლევან მურუსიძე.  ვამტკიცებდი,  რომ ,,ქართული ოცნების” მიერ არჩეული იუსტიციის  საბჭოს წევრები ევა გოცირიძე, კახა სოფრომაძე და ვახტანგ თორდია  ლევან მურუსიძის სასამართლო სისტემაში დატოვებას მისცემდნენ ხმას, რაც 100 პრიცენტით გამართლდა. სამოქალაქო საზოგადოება  ამტკიცებდა, რომ ამას ივანიშვილი არ იკადრებდა. ლევან მურუსიძის არჩევის შემდეგ, მთელი საქართველო უნდა მომხვდარიყო ერთ ჭეშმარიტებას, რომ  ზაზა ხატიაშვილი  არ ვიტყუებოდი, მაგრამ იტყუებოდა ბიძინა ივანიშვილის ხელისუფლება.

    ჩემი შეფასებით, პარლამენტის მიერ  მიღებული კანონპროექტის მიხედვით, პოლიტიკური გარიგების საფუძველზე,  პარლამეტნმა  უარი თქვა მესამე ტალღის იმ ერთ-ერთ ყველაზე დიდ ნოვაციაზე, რომელიც ითვალისწინებთა სასამართლოს თავმჯდომარეთა არჩევითობას. შესაბამისად, ამ ნაწილში სრულად იქნა შენარჩუნებული თავმჯდომარეების დანიშვნის მანკიერი მექანიზმი. დღეისათვის არ არსებობს თავმჯდომარის შერჩევის რაიმე კრიტერიუმები ან პროცედურები და საბჭო  სრული დისკრეციით სარგებლობს.   კანონპროექტის თანახმად, არ არის მითითებული, სასამართლოს თავმჯდომარე რამდენჯერ შეიძლება იყოს არჩეული თანამდებობაზე, რაც მიუთითებს, რომ „მურუსიძეებს“ მივიღებთ სასამართლოს თავმჯდომარეებად მთელი სიცოცხლის მანძილზე.

    ყველაზე დიდი საშინელება რაც ჩაიდინა პარლამენტმა არის ის, რომ იუსტიციის უმაღლესი საბჭო, მოქმედი ცვლილებების გათვალისწინებით,  დაკომპლექტდება სასამართლოს თავმჯდომარეებით.

    დღეს მოქმედი კანონის თანახმად, „საქართველოს მოსამართლეთა კონფერენციის მიერ არჩეულ წევრთაგან სამზე მეტი არ შეიძლება იყოს კოლეგიის ან პალატის თავმჯდომარე.“  მიღებული ცვლილებების თანახმად „მურუსიძეები“ იღებენ დამატებით ადგილებს იუსტიციის უმაღლეს საბჭოში. კერძოდ,   საქართველოს მოსამართლეთა კონფერენციის მიერ არჩეულ წევრთაგან ნახევარი შეიძლება იყოს კოლეგიის, პალატის ან სასამართლოს თავმჯდომარე/თავმჯდომარის  პირველი მოადგილე/მოადგილე.“

     

    აქ უკვე ჩანს კანონმდებლის მიზანი, რომ სასამართლოს თავმჯდომარეები იუსტიციის უმაღლეს საბჭოშიც იქნან წარმოდგენილი. სასამართლო რეფორმის პირველი ტალღით, სასამართლოს თავმჯდომარეებს აეკრძალათ ჰქონდეთ იუსტიციის უმაღლესი საბჭოს წევრობა და ეს მიჩნეული იყო სასამართლოს დამოუკიდებლობისკენ გადადგმულ ნაბიჯად. ჩემი შეფაებით პოლიტიკური გარიგების  შემდეგ:  ვინაიდან  მოქმედი თავმჯდომარეები პოლიტიკურად უფრო მისაღები გახდნენ, ხელისუფლებამ მიიღო მათი თანამდებობაზე დატოვების გადაწყვეტიელება.

    აქ ასევე გასათვალისწინებელია კანონის 65-ე მუხლის მე-3 პუნქტი, რომლის თანახმად: საქართველოს მოსამართლეთა კონფერენცია ცალკე უყრის კენჭს საქართველოს იუსტიციის უმაღლესი საბჭოს წევრობის კანდიდატებს იმ მოსამართლე წევრის თანამდებობაზე, რომლებიც, ამ კანონის 47-ე მუხლის მე-4 პუნქტის თანახმად, უფლებამოსილი არიან, საბჭოს წევრის თანამდებობასთან ერთად შეითავსონ სასამართლოს თავმჯდომარის, მისი პირველი მოადგილის ან მოადგილის, სასამართლო კოლეგიის ან პალატის თავმჯდომარის თანამდებობა,

    მაშასადამე, სასამართლოს, კოლეგიების და პალატების თავმჯდომარეებს უკვე დაკანონებული ექნებათ იუსტიციის საბჭოს ძალაუფლების ნახევარი. გავიხსენოთ თუ როგორ ირჩევიან ისინი: მათ ირჩევს იუსტიციის უმაღლესი საბჭო დისკრეციულად. სამოქალაქო საზოგადოებას შევახენებ, რომ იუსტიციის უმაღლესი საბჭოს წევრმა ევა გოცირიძემ ჩემთან პირდაპირ ეთერში აღიარა, რომ ლევან მურუსიძის ხელახალი არჩევის შესახებ გადაწყვეტილება წინასწარ ჰქონდათ მიღებული და საბჭოსთან იყო შეთანხმებული, მაშინ როდესაც, კანონი ითვალისწინებს ფარულ არჩევნების ჩატარებას.

     

    მაშასადამე ვღებულობთ ასეთ სისტემას: იუსტიციის უმაღლესი საბჭო დისკრეციულად ნიშნავს თავმჯდომარეებს, ხოლო ისინი შემდეგ აკომპლექტებენ საბჭოს ნახევარს: ამის შემდეგ რომელ თვითმმართველობაზე შეიძლება იყოს საუბარი?

     

    და ბოლოს, წულუკიანის დაპირება დამოუკიდებელი ინსპექტორის ინსტიტუტის შემოღება.  კანონპროექტის თანახმად, მოსამართლის სავარაუდო დისციპლინური გადაცდომის ობიექტური, მიუკერძოებელი და სრულყოფილი გამოკვლევისა და წინასწარი შემოწმების ჩატარების მიზნით, საქართველოს იუსტიციის უმაღლეს საბჭოში იქმნება დამოუკიდებელი ინსპექტორის სამსახური, რომელსაც ხელმძღვანელობს დამოუკიდებელი ინსპექტორი.   მოქმედი კანონპრიექტის თანახმად  ლევან მურუსიძეს და მის იუსტიციის უმაღლეს საბჭოს აძლევენ უფლებას, კონკურსის საფუძველზე აირჩიონ დამოუკიდებელი ინსპექტორი.  ისმის უბრალო კითხვა,  ლევან მურუსიძის და ამ იუსტიციის საბჭოს მიერ არჩეული დამოუკიდებელი ინსპექტორი რანაირად იქნება დამოუკიდებელი? სავარაუდოდ, იუსტიციის უმაღლესი საბჭო დამოუკიდებელი ინსპექტორის თანამდებობაზე „პატარა მურუსიძეს“ შეარჩევს, რომელიც  „მურუსიძიეების“ გავლენის ქვეშ იქნება.

    საკონსტიტუციო უმრავლესობის მქონე ,,ქართული ოცნება“, გვაიმედებდა საკონსტიტუციო უმრავლესობა იმიტომ მჭირდება, დანაპირები აგისრულოთო, მათი დანაპირების პირველი ნაწილი მართლაც სრულდება, ხდება სასამართლო სისტემის სრული მურუსიზაცია. ,,ქართული ოცნება“ უარს ამბობს დამოუკიდებელი ინსპექტორი აირჩიოს პარლამენტმა, რაც მურუსიძეებთან  პოლიტიკურ გარიგებაზე მიუთითებს.  ტყუილად კი არ გვაფრთხილებდა „დიადი ბიძინა“, თავი დაგვენებებინა ლევან მურუსიძისთვის. აღნიშნული საკანონმდებლო ცვლილებები მიუთითებენ, რომ სააკაშვილის რეჟიმის,  სავარაუდოდ, დამნაშავე მოსამართლეები იღებენ პოლიტიკურ ხელშეუხებლობას ივანიშვილის ხელისუფელბის მხრიდან, რაც ქვეყანაში ანადგურებს ოცნებას სამართლიან სასამართლოზე. 2017 წელს ცერცვაძეს და ჩინჩალაძეს სამოსამართლეო ვადა ეწურებათ. მათ, ამ ქვეყანაში, ადეიშვილთან და კუბლაშვილთან ერთად  საშინელი სასამართლო სისტემა  შექმნეს. განხორციელებული ცვლილებებით ჩინჩალაძეც და ცერცვაძეც სავარაუდოდ  სასამართლო სისტემაში გადაინიშნებიან, რაც ეტყობა,  ასევე არის პოლიტიკური შეთანხმების საგანი, ,,ქართულ ოცნებასა“ და „მურსიძეებს“ შორის.

     

     

     

     

     

     

     

     

     

    სრულად წაკითხვა
  • საქართველოს ადვოკატთა ასოციაციის პროექტმა საკონსტიტუციო კომისიის უმრავლესობის მხარდაჭერა მოიპოვა

     საკონსტიტუციო კომისიის უდიდესი უმრავლესობა მხარს უჭერს ადვოკატთა ასოციაციის ინიციატივას, რომ კონსტიტუციის 18-ე და 42-ე მუხლებში, ნაცვლად სიტყვისა ”დამცველი” დაფიქსირდეს ტერმინი - ა დ ვ ო კ ა ტ ი !!!!! 

     

    ადვოკატთა ასოციაციის საერთაშორისო მდივანი დავით ასათიანი, რომელიც საქართველოს ადვოკატთა ასოციაციას წარმოადგენს სახელმწიფო საკონსტიტუციო კომისაში აცხადებს: ,,იმისათვის, რომ დღის წესრიგში აღარასოდეს დადგეს ადვოკატთა გაერთიანების დამოუკიდებლობის, ერთიანობის და თვითმმართველობის სტანდარტების რაიმენაირად გადახედვის საკითხი, კრიტიკულად მნიშვნელოვნად მიგვაჩნია, აღნიშნული პრინციპების კონსტიტუციის დონეზე უზრუნველყოფა, რაც თავის მხრივ, ხელს შეუწყობს ხარისხიანი მართლმსაჯულების ადმინისტრირებას და სამართლის უზენაესობის დამკვიდრებას დემოკრატიულ საზოგადოებაში. ამდენად, ძირითადი კანონის დაგეგმილი გადასინჯვის ფარგლებში, მნიშვნელოვნად მიგვაჩნია ტერმინ ,,ადვოკატის” დაფიქსირება კონსტიტუციის ტექსტში“.

    სრულად წაკითხვა
  • მართლმსაჯულების სისტემაში კორუფციასთან ბრძოლის და იურიდიული პროფესიის თვითმმართველობის საკითხებზე ორდღიანი კონფერენცია მიმდინარეობს

    • 13-14 დეკემბერს სასტუმროში  ,,Hotel Holiday Inn  საერთაშორისო კონფერენცია  ,,კორუფციასთან ბრძოლა მართლმსაჯულების სისტემაში/იურიდიული პროფესიის   თვითმმართველობა მიმდინარეობს სადაც განიხილება მართლმსაჯულების სისტემაში  ანტიკორუფციული ზომების განხორციელება. ანტიკორუფციული პოლიტიკის საუკეთესო პრაქტიკა და სტანდარტები საქართველოს სასამართლო სისტემაში. ანტიკორუფციული პოლიტიკა ავღანეთში - გამოწვევები და პერსპექტივები. ანტიკორუფციული პოლიტიკა საქართველოში - გამოწვევები და გზები. ადვოკატთა საპროცესო უფლებები  სისხლის სამართლის პროცესში. იურიდიული პროფესიის თვითრეგულირების საკითხები. ადვოკატთა  პროფესიული უფლებები და მოვალეობები.

    • კონფერენციას მიესალმ ადვოკატთა ასოციაციის თავმჯდომარე ზაზა ხატიაშვილი, ევროპის საბჭოს ოფისის ხელმძღვანელის მოადგილე საქართველოში ანა ზეცი, მთავარი პროკურორის მოადგილე გიორგი გოგაძე, იუსტიციის უმაღლესი საბჭოს წევრი ვახტანგ მჭედლიშვილი, ავღანეთის ადვოკატთა ასოციაციის პრეზიდენტი რუჰულაჰ ქარიზადა.

    • კონფერენციის მუშაობაში მონაწილეობას მიიღებენ დელეგაციები გერმანიის და ავღანეთის ადვოკატთა ასოციაციებიდან.

    • კონფერნცია  დაფინანსებულია DEUTSCHE GESELLSCHAFT FÜR INTERNATIONALE ZUSAMMENARBEIT (GIZ)- ის მიერ

    სრულად წაკითხვა
  • საქართველოს ადვოკატთა ასოციაცია საკონსტიტუციო კომისიის მუშაობაში ჩაერთო

    სახელმწიფო საკონსტიტუციო კომისიამ, რომელიც

     კონსტიტუციის გადასნჯვის კანონპროექტის

     მომზადების  მიზნით შეიქმნა, მუშაობა დაიწყო.

     ადვოკატთა ასოციაციისსაერთაშორისო მდივანი

     და აღმასრულებელი საბჭოს წევრი ბ-ნი დავით

     ასათიანი  ადამიანის უფლებათა და სასამართლო

     ხელისუფლების საკითხთა სამუშაო ჯგუფშიღებულობს მონაწილეობას.  

    კომისიის პირველი სხდომა საქართველოს პარლამენტის 

    თავმჯდომარემ ირაკლი კობახიძემ გახსნა, რომელიც

     სახელმწიფო საკონსტიტუციო კომისიას უხელმძღვანელებს

    სრულად წაკითხვა
  • საქართველოს ადვოკატთა ასოციაციამ ავღანელ კოლეგებს საკუთარ ოფისში უმასპინძლა

    15 დეკემბერს, ავღანეთის ადვოკატთა ასოციაციის დელეგაცია საქართველოს ადვოკატთა ასოციაციაში იმყოფებოდა და ქართული ადვოკატთა ასოციაციის მუშაობას, სტრუქტურას, პროექტებს და სამომავლო გეგმებს გაეცნო. 
    საქართველოს ადვოკატთა ასოციაციის თავმჯდომარე ზაზა ხატიაშვილმა ისაუბრა ეთიკის კომისიის, სასწავლო ცენტრის, აღმასრულებელი საბჭოს და სარევიზიო კომისიის მუშაობის შესახებ. სტუმრები დაინტერესდნენ საადვოკატო გამოცდის ელექტრონული მოდელით, რაც უპრეცედენტოა საქართველოში და წარმატებით ხორციელდება. ასევე მოისმინეს ადვოკატის სკოლის შესახებ, რომელიც 2017 წლიდან ამოქმედდება და რადიკალურად შეცვლის პროფესიაში შემოსვლის სტანდარტებს. 

    ავღანეთის დელეგაცია მესამე დღეა შეხვედრებს მართავს გერმანელ და ქართველ კოლეგებთან, რომელიც ორგანიზებულია 

    DEUTSCHE GESELLSCHAFT FÜR INTERNATIONALE ZUSAMMENARBEIT (GIZ)- ის მიერ.

    საქართველოს ადვოკატთა ასოციაცია კვლავაც გააგრძელებს თანამშრომლობას ქვეყნებთან ადვოკატის პროფესიის ინსტიტუციური გაძლიერების თვალსაზრისით. უნდა აღინიშნოს, რომ საქართველოს ადვოკატთა ასოციაცია პოსტსაბჭოთა სივრცეში ლიდერია ადვოკატის პროფესიის განვითარების და ნოვაციების დანერგვის კუთხით.

    სრულად წაკითხვა
  • ადვოკატთა ასოციაცია საერთაშორისო ურთიერთობებს აფართოვებს

    18 ოქტომბერს, საქართველოს ადვოკატთა ასოციაციის თავმჯდომარე ზაზა ხატიაშვილი ევროპის სასწავლო უნივერსიტეტის სამართლის ფაკულტეტის დეკანს იოსებ კელენჯერიძეს, ფლორიდის შტატის მოსამართლეს მარკ სპეისერს და ამერიკელ ადვოკატს როჯერ ჰაიტის შეხვდა.    ზაზა ხატიაშვილმა სტუმრებს ადვოკატთა ასოციაციის საქმიანობა, რეფორმები და სამომავლო გეგმები გააცნო. მან ისაუბრა საქართველოში მართლმაჯულების პრობლემების შესახებ და მიმოიხილა ზოგიერთი მწვავე საკითხი, რაც  სამართლიანი სასამართლოს პრონციპების დამკვიდრებას აფერხებს. 

     
    შეხვედრის ბოლოს სტუმრები შეთანხმდნენ, რომ ადვოკატთა ასოციაციასთან  მჭიდრო თანამშრომლობას გააგრძელებენ. 
     
    სრულად წაკითხვა

სიახლეების კალენდარი

January 2017
  • ორშ
  • სამ
  • ოთხ
  • ხუთ
  • პარ
  • შაბ
  • კვ

საკონტაქტო ინფორმაცია

ასოციაციის ადმინისტრაცია

2 224 654







ეთიკის კომისიის ცხელი ხაზი

2 200 262







სიახლეები

საწყისი > სიახლეები > პროფესიული სტაჟირება გერმანიაში

პროფესიული სტაჟირება გერმანიაში

საქართველოს ადვოკატთა ასოციაციის კომერციული სამართლის კომისიის და ორგანიზაცია ,,საქართველოს ადვოკატები დამოუკიდებელი პროფესიისათვის“ ერთობლივი პროექტის ფარგლებში ადვოკატებს შესაძლებლობა ეძლევათ გერმანიის საადვოკატო ბიუროში  პროფესიული სტაჟირება გაიარონ კომერციული სამართლის კუთხით. სტაჟირების ხანგრძლივობა–6 კვირა.

მოთხოვნები: მოქმედი ადვოკატი ( კომერციული სამართლის განხრით);

                         ასაკი –35 წლამდე;

                         გერმანული ენის ცოდნა სავალდებულოა.

 

განაცხადის შემოტანის საბოლოო ვადა არის 26 დეკემბერი 18:00 საათი.

გასაუბრება შედგება 27 დეკემბერს.

დაინტერესების შემთხვევაში გთხოვთ დაუკავშირდეთ ადვოკატთა ასოციაციის საზოგადოებათან ურთიერთობის სამსახურს, ეკა ხიმშიაშვილს ტელ: 597705555. ელ–ფოსტა pr@gba.ge.