.menu li:hover ul{ display:block; }
  • იუბილე

    საქართველოს ადვოკატთა ასოციაციის აღმასრულებელი საბჭოს წევრს, ადვოკატ მამუკა ნოზაძეს ვულოცავთ დაბადების დღეს. მამუკა ნოზაძე  გამორჩეულია სამართლიანობით,  მაღალპროფესიული უნარჩვევებით და პროფესიონალიზმით.  ვუსურვებთ წარმატებებს  და სიკეთეს.

    სრულად წაკითხვა
  • საქართველოს ადვოკატთა ასოციაციამ თანამშრომლობის მემორანდუმი გააფორმა

    საქართველოს ადვოკატთა ასოციაციის თავმჯდომარე ზაზა ხატიაშვილმა და დედაქალაქის საკრებულოს იურიდიულ საკითხთა კომისიის თავმჯდომარე თედო კობახიძემ ურთიერთთანამშრომლობის მემორანდუმი გააფორმეს.  

    აღნიშნული მემორანდუმის გაფორმება მნიშვნელოვანია,  ადგილობრივი ხელისუფლების ისეთ საქმიანობაში   ჩართულობის კუთხით, რომელიც ხელს შეუწყობს საზოგადოებაში ადვოკატისადმი ნდობისა და რეპუტაციის ამაღლებას. ასევე, კანონის უზენაესობის განმტკიცებას.

    მემორანდუმის ხელმომწერი მხარეები გეგმავენ, აქტიურად ითანამშრომლონ საკანონმდებლო საქმიანობის პროცესში და ადგილობრივი მოსახლეობის სოციალური მდგომარეობის გათვალისწინებით ერთობლივად  შეიმუშავონ სამართლებრივი რეგულაციები და პროექტები.

    სრულად წაკითხვა
  • ევროპის ადვოკატთა ასოციაციების და სამართლის საბჭოს- (CCBE) -Newsletter N47

    ევროპის ადვოკატთა ასოციაციების და სამართლის საბჭოს- (CCBE) -Newsletter N47

    სრულად წაკითხვა
  • ზაზა ხატიაშვილმა ადვოკატ ლავრენტი სუხიშვილის მიმართ განხორციელებული ძალადობის გამო პრესკონფერენცია გამართა

    საქართველოს ადვოკატთა ასოციაციის თავმჯდომარე ზაზა ხატიაშვილმა ისანი-სამგორის პოლიციის სამმართველოს მე-5 განყოფილების გამომძიებლის  გიორგი ქუქჩიშვილის და ისანი-სამგორის რაიონული პროკურატურის პროკურორის  ამირან ხუციშვილის მიერ,  საადვოკატო საქმიანობის განხორციელებაში ხელის შეშლის მიზნით, ადვოკატ  ლავრენტი სუხიშვილის დევნის გამო პრესკონფერენცია გამართა.

    ადვოკატმა  ლავრენტი სუხიშვილმა  მოწმის გამოკითხვის ოქმი   წარადგინა სასამართლოში როგორც მტკიცებულება,  ვინაიდან გამოძიებას არ მოეწონა ადვოკატის  მიერ მოპოვებული მტკიცებულება, სასწრაფოდ იქნა დაკითხული  ადვოკატის მიერ გამოკითხული მოქალაქე, რომელმაც განაცხადა, სავარაუდოდ ზეწოლის ქვეშ, რომ არ წაუკითხავს ადვოკატმა რაზე მოაწერინა  ხელი.

    სრულად წაკითხვა
  • სისხლის სამართლის კომიტეტი აცხადებს კონკურსს წევრთა შესარჩევად

    საქართველოს ადვოკატთა ასოციაციის სისხლის 

    სამართლის კომიტეტი აცხადებს  კონკურსს

    კომიტეტის შემადგენლობაში წევრთა შერჩევის მიზნით.

    კომიტეტის წევრებს შეარჩევს კომიტეტის თავმჯდომარე,

    კომიტეტის შემადგენლობას ამტკიცებს საქართველოს

    ადვოკატთა ასოციაციის აღმასრულებელი საბჭო.

    სისხლის სამართლის კომიტეტში შეირჩევიან

    ადვოკატები სისხლის სამართლისა და საერთო

    სპეციალიზაციით, რომელთაც აქვთ არანაკლებ

    3 წლიანი პროფესიული პრაქტიკა,

    ასევე კანონპროექტებზე და სამეცნიერო–კვლევითი  მუშაობის გამოცდილება.

    სასურველია კომიტეტის წევრობის კანდიდატს ჰქონდეს:

    უმაღლესი იურიდიული განათლება საერთაშორისო სამართლის სპეციალიზაციით.

    სრულად წაკითხვა
  • საქართველოს ადვოკატთა ასოციაციის ისტორიაში პირველად განხორციელდა ტელეხიდი სტრასბურგის სასამართლოსთან

    14 მარტს, საქართველოს ადვოკატთა ასოციაციის სასაწავლო ცენტრის ორგანიზებით, ადამიანის უფლებების და ძირითადი

    თავისუფლებების დაცვის ევროპულ სასამართლოსთან

     (სტრასბურგი–თბილისი)ტელეხიდის მეშვეობით ონლაინ ტრენინგი გაიმართა.

    სასამართლოს ექსპერტები ორსაათიანი ტელე-ხისდის მეშვეობით საუბრობდნენ სასამართლოში

     წარსადგენი განაცხადის ახალი ფორმისა  და  სარჩელების  და  საშვებობის  კრიტერიუმების  შესახებ. 

    სრულად წაკითხვა
  • ქართველი ადვოკატები კოლეგების უანგარო მომსახურებისთვის ვარშავაში დააჯილდოვეს

    2016 წლის 11 მარტს, პოლონეთის დედაქალაქში ქალაქ ვარშავაში, პოლონეთის ადვოკატთა ასოციაციის პრეზიდენტმა დარიუშ სალაიევსკიმ და ევროპის ადვოკატთა ასოციაცის ყოფილმა პრეზიდენტმა მარია სლაზაკმა ქართველი ადვოკატები კლარა შუკვანი და ფრიდონ სიხუაშვილი ადვოკატთა უფლებების უანგრაო დაცვისთვის „ბროლის გულით” დააჯილდოვეს. კლარა შუკვანი და ფრიდონ სიხუაშვილი გახდნენ საქართველოს ისტორიაში პირველი ადვოკატები, რომელებიც  „ბროლის გულით” დააჯილდოვა პოლონეთის ადვოკატთა ასოციაციამ. ისინი 2015 წლის განმავლობაში უანგაროდ იცავდნენ  კოლეგებს. 

    სრულად წაკითხვა
  • სამოქალაქო სამართალწარმოების აქტუალურ საკითხებთან დაკავშირებით საერთაშორისო კონფერენცია გაიმართა

    დღეს, სასტუმრო ,,Tbilisi Marriot”-ში საერთაშორისო კონფერენცია გაიმართა სამოქალქო სამართლის ისეთ აქტუალურ საკითხებზე, როგორებიცაა ამორალური გარიგებათა და მევახშეობის - კანონისმიერი მოწესრიგება და სასამართლო პრაქტიკა.

     

    კონფერენცია, საქართველოს ადვოკატთა ასოციაციის თავმჯდომარე ზაზა ხატიშვილმა და გერმანიის საერთაშორისო სამართლებრივი თანამშრომლობის ფონდის (IRZ) პროექტის მენეჯერმა ამალია ვუქერთმა გახსნეს. ბრემენის უმაღლესი ინსტანციის სასამართლოს პალატის თავმჯდომარემ პეტერ ლუთრინგჰაუსმა ისაუბრა გერმანიის სასამართლო პრაქტიკაზე ამორალური გარიგების და მევეხშეობის საქმეებზე, ხოლო გერმანელი ადვოკატის გუნთერ ვაისის მიერ წარმოდგენილი მოხსენება ამორალური გარიგებების კანონისმიერი მოწესრიგების გერმანულ მოდელზე. კონფერენციას ადვოკატთა და მოსამართლეთა კორპუსის წარმომადგენლები ესწრებოდნენ.

     

    კონფერენცია ორგანიზებული იყო საქართველოს ადვოკატთა ასოციაციის, გერმანიის ადვოკატთა ფედერალური პალატის, გერმანიის საერთაშორისო სამართლებრივი თანამშრომლობის ფონდის მხარდაჭერით.

     

    საქართველოს ადვოკათა ასოციაცია მოსამართლეთა კორპუსთან თანამშრომლობის ფარგლებში ინტენსიურად განაგრძობს თემატური კონფერენციების და შეხვედრების ორგანიზებას.

    სრულად წაკითხვა
  • მისალოცი გიორგი თევზაძის 50 წლის იუბილესთან დაკავშირებით

    საქართველოს ადვოკატთა ასოციაციის აღმასრულებელი საბჭოს წევრს და ცნობილ უფლებადამცველს, ბატონ გიორგი თევზაძეს ვულოცავთ 50 წლის იუბილეს, ვუსურვებთ პროფესიულ წარმატებებს და სიკეთეს.

    ბატონ გიორგის იცნობენ როგორც ეროვნული მოძრაობის აქტიურ წევრს, მერაბ კოსტავას მეგობარს და თანამებრძოლს. ცნობილია, რომ მან 12 წლის ასაკში, ეროვნული ბიბლიოთეკიდან  ლენინის წიგნები გამოტანა და პროტესტის ნიშნად დაწვა.  გიორგი თევზაძე ყოველთვის იბრძოდა დემოკრატიული საქართველოსთვის და დღესაც აგრძელებს ბრძოლას ქვეყნის სამართლებრივი განვითარებისთვის.

    სრულად წაკითხვა
  • სისხლის სამართლის კომიტეტი აგრძელებს კონკურსს წევრთა შესარჩევად

    საქართველოს ადვოკატთა ასოციაციის სისხლის

    სამართლის კომიტეტი აცხადებს  კონკურსს

    კომიტეტისშემადგენლობაში წევრთა შერჩევის

    მიზნით. კომიტეტის წევრებს შეარჩევს კომიტეტის

    თავმჯდომარე, კომიტეტისშემადგენლობას

     

    სრულად წაკითხვა
  • მისალოცი

    ადვოკატთა ასოციაციის აღმსარულებელი საბჭოს წევრს, სახელოვან ადვოკატს ზურაბ როსტიაშვილს ვულოცავთ დაბადების დღეს. ვუსურვებთ ნაყოფიერ და წარმატებულ მოღვაწეობას. 
    ბატონი ზურაბი, გამორჩეულია თავისი პროფესიონალიზმით, თავმდაბლობით და ჰამანურობით. მისი მრავალწლიანი საადვოკატო საქმიანობა  ღირსშესანიშნავი ფურცელია ქართული ადვოკატურის ისტორიაში.  2016 წელს, საქართველოს  ადვოკატთა ასოციაციის მიერ დაჯილდოვებულა ლუარსაბ ანდრონიკაშვილის ორდენით.

    სრულად წაკითხვა
  • ადვოკატთა ასოციაციის აღმასრულებელი საბჭოს წევრებმა გერმანიის საერთაშორისო თანამშრომლობის საზოგადოების (GIZ) მიერ ორგანიზებულ დებატებში მიიღეს მონაწილეობა

    11 აპრილს, საქართველოს უზენაეს სასამართლოში ქართველ და გერმანელ მოსამართლეთა მონაწილეობით მრგვალი მაგიდა გაიმართა. მრგვალი მაგიდის ფარგლებში განიხილეს საკორპორაციო სამართლის საკითხები: საწარმოს დირექტორთან დადებული ხელშეკრულებები, საწარმოს დირექტორის პასუხისმგებლობა, უმცირესობაში მყოფ პარტნიორთა უფლებები, წინარე საზოგადოების სამართლებრივი ბუნება; აგრეთვე, სახელშეკრულებო სამართლის ცალკეული საკითხები.
    ღონისძიებაში მონაწილეობდნენ საქართველოს საერთო სასამართლოების მოსამართლეები, ადვოკატები და დრეზდენის უმაღლესი სამხარეო სასამართლოს მოსამართლეები.
    ღონისძიება ჩატარდა გერმანიის საერთაშორისო თანამშრომლობის საზოგადოების (GIZ) ევროპულ სტანდარტებთან სამხრეთ კავკასიის სამართლებრივი დაახლოების პროგრამის მხარდაჭერით.

    სრულად წაკითხვა
  • მისალოცი

    საქართველოს ადვოკატთა ასოციაციის აღმასრულებელი საბჭოს წევრს, ადვოკატ დავით ასათიანს ვულოცავთ დაბადების დღეს და ვუსურვებთ პროფესიულ წარმატებებს. 
    დავით ასათიანის ბიოგრაფია უშუალოდ არის გადაჯაჭვული ადვოკატთა ასოციაციის დაარსებასა და მისი შემდგომი განვითარების პროცესთან.   დამფუძნებელი კრების აქტიური წევრი, მეორედ არჩეულია  აღმასრულებელი საბჭოს წევრად. არის ასოციაციის საერთაშორისო მდივანი,  მრავალი საგანმანათლებლო თუ პროფესიული განვითარების პროექტის ავტორი.   წარმატებული ადვოკატი, კოლეგა, მეგობარი, მამა, მეუღლე. მრავალი სიკეთე მას....

    სრულად წაკითხვა
  • საქართველოს ადვოკატთა ასოციაციის თავმჯდომარე, ეთიკის კომისიის თავმჯდომარე, სასწავლო ცენტრის დირექტორი და საგანმანათლებლო საბჭოს წევრები საქმიანი ვიზიტით საფრანგეთში იმყოფებიან

    საქართველოს ადვოკატთა ასოციაცია იწყებს საქართველოში  ადვოკატის  პროფესიაში შემოსვლის  სტანდარტების დახვეწას და  ადვოკატობის მსურველებისთვის პროფესიაში შემოსვლის  სტაჟირების სისტემის  ევროპულ სტანდარტებამდე  მაქსიმაურად მიახლივებას. ადვოკატთა ასოციაციის აღმასრულელ საბჭოს სურვილია,  საქართველოში   ადვოკატის სკოლა შეიქმნას, რომელსაც ადვოკატის გამოცდის ჩაბარების შემდეგ, ადვოკატობის მსურველი ყველა პირი გაივლის.  ადვოკატთა ასოციაციას სურს  ადვოკატი  საერთაშორისო სტანდარტებს  აკმაყოფილებდეს,  რათა ნებისმიერი მოქალაქე კვალიფიციური საადვოკატო  მომსახურეობით იყოს დაცული.   ევროპის საბჭოს და ევროკავშირის ერთობლივი პროექტის „საქართველოს ადვოკატთა ასოციაციის მხარდაჭერა“ ფინანსური მხარდაჭერით   (პროექტის ხელმძღვანელი სოფიო წაქაძე),   ადვოკატთა ასოციაციის საგანმანათლებლო საბჭო  საფრანგეთში იმყოფება და ანალოგიური  მოდელის საქართველოში დანერგვის მიზნით,  შეხვედერებს მართავს ვერსალის და პარიზის ადვოკატთა სკოლებში.. ადვოკატთა ასოციაციის სურვილია, 2017 წლიდან დაიწყოს ადვოკატის სკოლის საპილოტო პროგრამის განხორციელება და მისი ეტაპობრივი დანერგვა. გუშინ, ადვოკატთა ასოციაციის თავმჯდომარე, ეთიკის კომისიის თავმჯდომარე და საგანმანათლებლო საბჭოს წევრები შეხვდნენ ვერსალის და პარიზის სკოლის დირექტორებს,  გაიმართა შეხვდრები საფრანგეთის  და  პარიზის  ადვოკატთა ასოციაციის პრეზიდენტებთან.

    ფრანგი კოლეგები, ადვოკატის სკოლის თეორიული კურსის საბაზისო პროგრამის შემუშავებასა და დანერგვაში, საქართველოს ადვოკატთა ასოციაციას,  დახმარებას დაჰპირდნენ.

     

    ადვოკატთა ასოციაციის მიზანია,  ადვოკატის  სკოლაში  ადვოკატობის მსურველები დაეუფლენ  ისეთ უნარ-ჩვევებს, რაც  არცერთ უმაღლეს საგანმანათლებლო  დაწესებულებაში არ ისწავლება.  ადვოკატთა ასოციაცია დიდ მადლობას უხდის ევროკავშირს  და ევროსაბჭოს ადვოკატის  პროფესიის   განვითარებაში შეტანილი  უდიდესი დახმარებისთვის.  მალე, საქართველო გახდება ევროკავშირის წევრი სახელმწიფო,  ძლიერი ადვოკატთა კორპუსი  ქვეყნის სამართლებრივი განვითარების საფუძველია.

    სრულად წაკითხვა
  • ქართველი ადვოკატები პროფესიულ სტაჟირებას საფრანგეთში გაივლიან

    საქართველოს ადვოკატთა ასოციაციის თავმჯდომარე ზაზა ხატიაშვილი, ეთიკის კომისიის თავმჯდომარე ციცინო ცხვედიანი, ადვოკატთა ასოციაციის საგანმანათლებლო საბჭოს წევრები და საერთაშორისო მდივანი დავით ასათიანი საფრანგეთში  საქმიან ვიზიტს განაგრძობენ. 

     

    დელეგაციის წევრები  პარიზის ადვოკატთა ასოციაციის  პრეზიდენტს ფედერიკ სიკაღის და ადვოკატთა საერთაშორისო ობსერვატორიის დამფუძნებელს ანა სოლელიაკს შეხვდნენ.

     

    პარიზის ადვოკატთა ასოციაციის  პრეზიდენტის ფედერიკ სიკაღის და  საქართველოს ადვოკატთა ასოციაციის პრეზიდენტის ზაზა ზატიაშვილის  შეხვედრის შემდეგ გადაწყდა, რომ უახლოეს დღეებში,  თანამშრომლობის  მემორანდუმს  მოეწერება ხელი, რომლის თანახმად, მომავალი წლიდან, ქართველი ადვოკატები, რომლებიც ფრანგულ ენას ფლობენ,   პარიზის ადვოკატთა  ასოციაციის დაფინანსებით, პარიზის ადვოკატთა ასოციაციაში  ორ თვიან სტაჟირებას გაივლიან. შეხვედრის დასასრულს,  ზაზა ხატიაშვილმა  სამახსოვრო წიგნში გააკეთა ჩანაწერი და კოლეგებს პროფესიული წარმატებები უსურვა.

     

    ვიზიტისას,  ადვოკატთა საერთაშორისო ობსერვატორიის დამფუძნებელთან  ანა სოლელიაკთან შეხვედრა გაიმართა,  სადაც გადაწყდა,  რომ საქართველოში ჩამოვა 12 ფრანგი ადვოკატისგან შემდგარი ჯგუფი,  რომელიც  საქართველოში  ადვოკატთა უფლებრივ მდგომარეობას შეისწავლის.  შეხვდებიან ყველა  ადვოკატს,  რომლებიც ზეწოლის ობიექტები გახდნენ  და პროფესიული  უფლებების დაცვაში დახმარებას აღმოუჩენენ.  შეხვედრის დასასრულს, ადვოკატთა საერთაშორისო ობსერვატორიის დამფუძნებელმა ანა სოლელიაკმა აღნიშნა, რომ  გააგრძელებს ადვოკატთა ასოციაციის  საერთაშორისო მხარდაჭერას.   

     

    საფრანგეთში,  საქართველოს ადვოკატთა ასოციაციის დელეგაციის ვიზიტი  ევროპის საბჭოს და ევროკავშირის ერთობლივი პროექტის „საქართველოს ადვოკატთა ასოციაციის მხარდაჭერა“ ფინანსური მხარდაჭერით მიმდინარეობს.

    სრულად წაკითხვა
  • საფეხბურთო მატჩი ბათუმში

    24 აპრილს ბათუმში ადვოკატთა ასოციაციის 2015 წლის ჩემპიონი ფეხბურთში მალხაზ ლაფაჩის გუნდი ,,ფორცა" და დასავლეთ საქართველოს ჩემპიონი ,,ბათუმი" დაუპირისპირდნენ ერთმანეთს ამხანაგურ თამაშში. მატჩი იყო ძალიან დაძაბული და დამთვრდა მალხაზ ლაფაჩის გუნდის ,,ფორცა" გამრჯვებით 7-5. ადვოკატთა ასოციაცია დიდ მადლობას უხდის ქალბატონ ლელი ბჟალავას, მალხაზ ლაფაჩს და დავით ასათიანს საინტერესო ღონისძიების ორგანიზებისთვის. თამაშის შემდეგ, ზაზა ხატიაშვილმა და დავით ასათიანმა გამორჩეული მოთამაშეები სამახსოვრო პრიზებით დააჯილდოვეს. 25-26 მაისს გაიმართება საქართველოს ადვოკატთა ასოციაციის 2016 წლის თასის გათამაშების ფინალური ეტაპი .

    სრულად წაკითხვა
  • გაზარდეთ თქვენი სოციალური პასუხისმგებლობა და შეიტანეთ თქვენი წვლილი საქართველოში პირველი ბავშვთა ჰოსპისის მშენებლობაში!

    რა არის ბავშვთა ჰოსპისი? - ეს იქნება პირველი სახლი, სადაც ქრონიკული და უკურნებელი სენით დაავადებული ბავშვები 18 წლამდე (რომლებსაც სიცოცხლის ხანგრძლივობა 6 თვემდე აქვთ დარჩენილი) და მათი ოჯახები სრულიად უფასოდ  პალიატიური მზრუნველობის მომსახურებას მიიღებენ - ტკივილის გაყუჩება, ფსიქოლოგის მომსახურება, სულიერი მხარდაჭერა და სხვა. ბავშვთა ჰოსპისის  კონცეფცია გულისხმობს ბავშვისთვის მეგობრული და კომფორტული გარემოს შექმნას, სადაც მზრუნველი პერსონალის გარდა დიდი დატვირთვა აქვს გარემოს და ინტერიერს.  ჰოსპისის უმთავრესი პირობა ოჯახური ტიპის გარემოს შექმნაა. ამიტომ, ევროპის ბევრ ქვეყანაში, ჰოსპისი მცირე ზომის,  მაქსიმუმ სამსართულიან სახლებშია განთავსებული. ჩვენი ჰოსპისიც სწორედ ამგვარი იქნება.

    სრულად წაკითხვა
  • პატივცემულო ადვოკატებო !

    2016 წლის 24-26 მაისს გაიმართება საქართველოს ადვოკატთა ასოციაციის რიგით მეექვსე ჩემპიონატი ფეხბურთში. ჩემპიონატი იქნება გმორჩეული, ვინაიდან პირველი ორი გათამაშების ჩემპიონი  იურიდიული დახმარების სამსახური, უდავო ლიდერის გიორგი მდინარაძის ხელმძღვანელობით,  ინტენსიურ წვრთნებს გადის, რათა დაამარცხოს ბოლო ორი გათამაშების ჩემიპიონი მალხაზ ლაფაჩის გუნდი „ფორცა“.

    ადვოკატთა ასოციაციის ჩემპიონატების  საუკეთესო ფეხბურთელი და ბომბარდირი მირიან ცუცქირიძე (რომელმაც ერთი თამაშის განმავლობაში  10 გოლი გაიტანა)  ახალი რეკორდების დასამყარებლად ემზადება.

     

    გთხოვთ, მონაწილე გუნდებმა განაცხადი წარმოადგინოთ ადვოკატთა ასოციაციაში 2016 წლის 20 მაისის 18:00 საათამდე.

    სრულად წაკითხვა
  • ბათუმში მიგრაციის საკითხებზე ტრენინგი გაიმართა

    18 მაისს    მიგრაციის პოლიტიკის განვითარების საერთაშორისო ცენტრიმა (ICMPD) ევროკავშირის მიერ დაფინანსებულ პროექტ ENIGMMA-ს ფარგლებში, მიგრაციის საკითხთა სამთავრობო კომისიის სამდივნოსთან და საქართველოს ადვოკატთა ასოციაციასთან თანამშრომლობით  მიგრაციის საკითხებზე ქალაქ ბათუმში ტრენინგი გამართა.

    ტრენინგის მიზანი იყო აამაღლოს ცნობიერება ევროკავშირ-საქართველოს ურთიერთობებზე და მიაწოდოს დაზუსტებული ინფორმაცია იმ ადვოკატებს, რომლებიც მიგრაციის სფეროში მუშაობენ. სახელმწიფო უწყებების წარმომადგენლებმა, ადვოკატთა ასოციაციის სასწავლო ცენტრთან და პროექტ ENIGMMA-ს მიერ მოწვეულ საერთაშორისო ექპერტთან ერთად განიხილეს ისეთი საკითხები, როგორებიცაა: ევროკავშირსა და საქართველოს შორის არსებული ასოცირების ხელშეკრულება და ვიზა ლიბერალიზაციის სამოქმედო გეგმა, მობილობა და უვიზო მიმოსვლის პერსპექტივები, შენგენის ქვეყნებში მიმოსვლის წესები და რეგულაციები და, ზოგადად, მიგრაციის ტენდენციები საქართველოში.

     ტრენინგი   ჩატარდა პროექტ ENIGMMA-ს 2016 წლის საინფორმაციო კამპანიის „ლეგალური მიგრაცია - საუკეთესო არჩევანი“ ფარგლებში  და  მიზნად ისახავდა  ვიზა ლიბერალიზაციის სამოქმედო გეგმით გათვალისწინებული ლეგალური მიგრაციის შესახებ ცნობიერების   

    მიგრაციის პოლიტიკის განვითარების საერთაშორისო ცენტრი (ICMPD) დაარსდა 1993 წელს ავსტრიისა და შვეიცარიის ინიციატივით. ის საერთაშორისო ორგანიზაციაა, რომელიც მიგრაციასთან დაკავშირებულ საკითხებზე მუშაობს მთელ მსოფლიოში, მათ შორის, ევროპაში, აფრიკაში, ცენტრალურ აზიაში, ახლო აღმოსავლეთსა და სამხრეთ ამერიკაში. მისი ექვსი კომპეტენციის ცენტრის მეშვეობით, ICMPD აწვდის ინფორმაციას და სთავაზობს ექსპერტიზას მიგრაციის ფენომენის შესახებ თავის 15 წევრ სახელმწიფოსა და სხვა პარტნიორებს. ამისათვის ICMPD იყენებს სამ საფეხურიან მიდგომას, რაც დაფუძნებულია: კვლევაზე, შესაძლებლობების გაძლიერებასა და მიგრაციის დიალოგზე. პროექტი „მიგრაციის მართვის გაძლიერება საქართველოში“ ENIGMMA არის საქართველოს მიერ ევროკავშირი-საქართველოს პარტნიორობისა და თანამშრომლობის ხელშეკრულების, ასევე ევროკავშირის სამეზობლო პოლიტიკის სამოქმედო გეგმისა და მობილურობის შესახებ ხელშეკრულების, ვიზა ფასილიტაციისა და რეადმისიის ხელშეკრულებების განხორციელების პროცესში წარმატებით გადადგმული ნაბიჯების შედეგი. პროექტი დაფინანსებულია ევროკავშირის მიერ აღმოსავლეთ პარტნიორობის ინტეგრაციისა და თანამშრომლობის პროგრამის ფარგლებში. პროექტი დაიწყო 2013 წლის დეკემბერში და გაგრძელდება 2017 წლის ივნისამდე.

    სრულად წაკითხვა
  • ტურნირი ნარდსა და შაშში

     21 მაისს ქალაქ ბათუმის ადვოკატებს შორის ნარდსა და შაშში ტურნირი გაიმართა, რომელიც   დამოუკიდებლობის დღეს მიეძღვნა.

    აღნიშნულ შეჯიბრში რეგისტრაცია  თვრამეტმა ადვოკატმა გაიარა. გამარჯვებულებს სიმბოლური საჩუქრები და სერტიფიკატები  გადაეცათ.
    საქართველოს ადვოკატთა ასოციაცია, ინტენსიურად განაგრძობს ორგანიზება გაუწიოს სპორტულ ღონისძიებებს. 

    საპრიზო ადგილები გადანაწილდა შემდეგნაირად:

    ნარდი:                                                                          შაში:

    1 ადგილი: არსენ ხიჯაკაძე.                                  1 ადგილი: ბადრი სურმანიძე.

    2 ადგილი: ბადრი სურმანიძე.                              2 ადგილი: გენადი მალაყმაძე.

    3 ადგილი: თემურ მახაძე.                                      3 ადგილი: ჯემალ კიკნაძე.

    4 ადგილი: კახა კოკაია.                                           4 ადგილი: კახა კოკაია.

    სრულად წაკითხვა
  • ჩემპიონატი ფეხბურთში

    საქართველოს ადვოკატთა ასოციაციის 2016 წლის ფეხბურთის ჩემპიონატი გაიმართება 26 მაისს 10:00 საათზე. ადვოკატთა ასოციაციის შეკვეთით დამზადდა სპეციალური პრიზები, რომლებიც გადაეცემა საუკეთესო საფეხბურთო გუნდს, საუკეთესო მეკარეს, საუკეთესო ბომბარდირს, საუკეთესო ფეხბურთელს  და  სპეციალური პრიზი ,,გულშემატკივრების ფავორიტს“.

    ჩემპიონატი საქართველოს დამოუკიდებლობის დღესთან დაკავშირებით იმართება.

    ადვოკატებს მოგიწოდებთ მობრძანდეთ და უქომაგოთ გუნდებს.

    მისამართი: დიღმის მასივი, იაშვილის ბავშვთა კლინიკის უკან მდებარე საფეხბურთო მოედანი.

    სრულად წაკითხვა
  • ადვოკატ ზაზა შველიძის საფეხბურთო გუნდი საქართველოს ადვოკატთა ასოციაციას 2016 წლის ჩემპიონი გახდა

    26 მაისს,  საქართველოს დამოუკიდებლობის დღეს, საქართველოს ადვოკატთა ასოციაციის 2016 წლის  საფეხბურთო ჩემპიონატის საფინალო ტურნირი  გაიმართა, რომელიც   ადვოკატ ზაზა შველიძის საფეხბურთო გუნდმა მოიგო.  ტურნირის ნამდვილი აღმოჩენა იყო გუნდის დირიჟორი გიგი მუმლაძე, რომელიც საუკეთესო ფეხბურთელად დასახელდა. გიორგი სვანიძემ ერთმანეთზე ლამაზი რვა ბურთი გაიტანა და  საუკეთესო ბომბარდირის პრიზი  მიიღო. მიუხედავად დამარცხებისა, მაყურებელთა სიმპათიის პრიზი როინ მიგრიაურმა დაიმსახურა, რომლის ფინტებმა არაერთი აპლოდისმენტები დაიმსახურა. საუკეთესო მეკარე გახდა მიხეილ ელიკაშვილი, რომელმაც თავი აკრობატული ნახტომებით დაგვამახსოვრა. 
    ტურნირის ორი მთავრი ფავორიტი მალხაზ ლაფაჩის გუნდი „ფორცა“ და იურიდიული დახმარების სამსახურის გუნდი რომლებსაც ორჯერ ჰქონდათ მოგებული ჩემპიონატი უშანსოდ დამარცხდნენ. ბოლო სამი ჩემპიონატის საუკეთესო ფეხბურთელმა მირიან ცუცქირიძემ პირველ თამაშში ტრავმა მიიღო და ვერ გამოავლინა თავისი შესაძლებლობები. საბოლოოდ, მალხაზ ლაფაჩის გუნდი „ ფორცა“ მესამე ადგილს დასჯერდა.
    ტურნირზე , იურიდიული დახმარების სამსახურის გუნდმა ბრწყინვალედ ითამაშა, მაგრამ მოკლე სათადარიგო სკამის გამო ძალები შემოელია და  მეორე ადგილი  დაიკავა. 
    ადვოკატ ზაზა შველიძის საფეხბურთო გუნდი პირველად მონაწილეობდა საფეხბურთო ტურნირში, რაც მის წარმატებას უფრო შთამბეჭდავს ხდის.
    ადვოკატთა ასოციაცია ულოცავს ადვოკატ ზაზა შველიძის საფეხბურთო გუნდს წარამატებას და უსურვებს შემდგომ გამარჯვებებს. 
    ტურნირის მსაჯი და ორგანიზატორი ზაზა ხატიაშვილი

    სრულად წაკითხვა
  • ძვირფასო კოლეგებო

    ბელარუსიის რესპუბლიკის ადვოკატთა ეროვნული  კოლეგიის  სახელით, ყველა ქართველ კოლეგას, საქართველოს ადვოკატთა ასოციაციის წევრებს  გულითადად გილოცავთ  საქართველოს დამოუკიდებლობის  დღეს!

     ჩვენ  ვაფასებთ იმ მეგობრულ, მნიშვნელოვან და ნდობით გამსჭვალულ ურთიერთობებს, რომელიც ჩვენი  ქვეყნების ადვოკატებს შორის ჩამოყალიბდა.

    მსურს დაგარწმუნოთ, რომ ბელარუსიის ადვოკატთა კორპუსის სახით ერთგული მხარდამჭერი   და   გულითადი მეგობარი გყავთ.

    თქვენს ქვეყანას ვუსურვებ მშვიდობას და კეთილდღეობას.

    სიკეთე და ბედნიერება ქართველ ხალხს!

    პატივისცემით,

    ვიქტორ ჩაიციცი

    ბელარუსიის ადვოკატთა ეროვნული კოლეგიის თავმჯდომარე 

    სრულად წაკითხვა
  • ადვოკატებისთვს მრგავლი მაგიდა გაიმართა

    30 მაისს "საქპატენტისა" და საქართველოს ადვოკატთა ასოციაციის ერთობლივი ინიციატივით გაიმართა მრგვალი მაგიდა ქართველი ადვოკატებისათვის " სასაქონლო ნიშნების შესახებ" საქართველოს კანონში შესატანი ცვლილებები შესახებ.
     
    ღონისძიებას ესწრებოდა 40- მდე მოქმედი ადვოკატი.
     
    ღონისძიება გახსნეს "საქპატენტის" თავმჯდომარე ნიკოლოზ გოგილიძემ და ადვოკატთა ასოციაციის აღმასრულებელი საბჭოს წევრმა ირაკლი ყანდაშვილმა.
     
    "საქპატენტი" და ადვოკატთა ასოციაცია აგრძელებენ ინსტიტუციურ თანამშრომლობას.
    სრულად წაკითხვა
  • მილოცვა

    ადვოკატთა ასოციაციის აღმასრულებელი საბჭოს წევრს, ადვოკატ ირაკლი ყანდაშვილს ვულოცავთ დაბადების დღეს, ვუსურვებთ პროფესიულ წარმატებებს. ირაკლი ყანდაშვილი, ადვოკატთა კორპუსის ერთ-ერთი გამორჩეული და ღირსეული წევრია. მის სახელს უკავშირდება უამრავი პროექტი, რომელმაც წინ წასწია და განავითარა ადვოკატის პროფესიული დონე და ინსტიტუციური განვითარება.

    სრულად წაკითხვა
  • ადვოკატთა ასოციაციის თავმჯდომარე ქართველი ადვოკატების დაცვის მოთხოვნით ევროპის საბჭოს ოფისიის წინ აქციას გამართავს

    17 ივნისს სტრასბურგში, ევროპის საბჭოს ოფისიის წინ,   ადვოკატთა ასოციაციის თავმჯდომარე  ზაზა ხატიაშვილი ქართველი  ადვოკატების დაცვის მოთხოვნით  აქციას გამართავს.

    ცხრა დღის  წინ,  ქვეყნის ფაქტიური მმართველი ივანიშვილის მიერ ადვოკატთა ასოციაციის თავმჯდომარესთან მიმართებაში გაკეთებული  განცხადების შემდეგ, საქართველოში  მომენტალურად ადვოკატების დევნის ახალი ტალღა დაიწყო. სამი დღის განმავლობაში სამ ადვოკატს მიაყენეს შეურაცხყოფა რაც მიზანმიმართულ ძალადობაზე მიუთითებს. ადვოკატთა ასოციაციის თავმჯდომარე არ დავუშვებ არცერთი ადვოკატის შეურაცხყოფას. ყველა ის ნაძირალა, ვინც  ადვოკატზე ძალადობს საბრალდებო სკამზე  დაჯდება.  

    სრულად წაკითხვა
  • ადვოკატთა ასოციაციის თავმჯდომარემ სტრასბურგში მჯდომარე აქცია გამართა

    დღეს, 2016 წლის 17 ივნისს ადვოკატთა ასოციაციის თავმჯდომარე ზაზა ხატიაშვილმა ქართველი ადვოკატების დევნის შეწყვეტის მოთხოვნით, ევროპის საბჭოს მთვარი შესასვლელის წინ  მჯდომარე აქცია გამართა.  ადვოკატთა ასოციაციის თავმჯდომარე  ევროპელ დიპლომატებს  მიმართავს საქართველოს ხელისუფლებას ქართველ ადვოკატებზე განხორციელებული ძალადობის ფაქტების გამოძიება და დამნაშავეთა დასჯა მოსთხოვონ. ევროპის საბჭოს მთავარ ოფისში  1000-ზე მეტი პირია დასაქმებული, ევროპის საბჭოს მთავარ ოფისში განთავსებულია ევროპის საბჭოს ადამიანის უფლებათა დაცვის კომისრის ოფისი.  

    ევროპის ადვოკატთა ასოციაცის პრეზიდენტმა მარია სლაზაკმა,  მარსელა ბრასელმა, ალდო ბალგარელიმ , ხოს მარია-დავო ფერნანდესმა  რამოდენიმეჯერ,   ბოლო  შვიდი  წლის განმავლობაში მიმართეს საქართველოს ხელიუფლებას გამოძიებული ყოფილიყო ადვოკატებზე ზეწოლის და ძალადობის ფაქტები,  მაგრამ  საქართველოს ხელისუფლება  სავარაუდო დამნაშავეებს  ხელს აფარებს  და თავისი უმოქმედობით  ადვოკატების დევნას ახალისებს.

    2016 წლის 17 ივნისის მჯდომარე აქცია  ადვოკატთა კორპუსის ბრძოლის  დასაწყისია, რომელიც  ადვოკატების უფლებების დარღვევის ფაქტების გამოძიებას და დამნაშავეთა დასჯას ითხოვს. 9  ივნისიდან 12 ივნისამდე  დაფიქსირდა  ადვოკატებზე ზეწოლის სამი ფაქტი, რაც  მიუთითებს  ადვოკატების მიმართ განხორციელებული ძალადობის ახალ ტალღაზე. ზაზა ხატიაშვილი აცხადებს:   ,,ჩემთვის წარმოუდგენელი იყო ის ფაქტი, რომ 2012 წელს სამართლიანობის აღდგენის მოთხოვნით მოსული ხელისულფლება არ გამოიძიებდა ადვოკატ  ირინა საღინაძის მიმართ განხორციელებულ ძალადობის ფაქტს, რომელიც სასჯელაღსრულების დაწესებულებაში სცემეს და გაუპატიურებით დაემუქრენ. ევროპის ადვოკატთა ასოციაციის პრეზიდენტმა  მარსელა  ბრასელმა  2012 წლის ნოემბერში პირადად მიმართა მაშინდელ იუსტიციის მინისტრ თეა წულუკიანს  (რომელიც იყო ასევე მთავარი პროკურორი) აღნიშნული ფაქტის გამოძიების მოთხოვნით. ახალმა ხელისუფლებამ,  ადვოკატ ირინა საღინაძის მიმართ განხორციელებული ძალადობის ფაქტის დამალვით, საფუძველი ჩაუყარა ახალ ირინა საღინაძეებს, მაგრამ  თვითონ მეც ვერ წარმოვიდგენდი პოლიციაში ბორკილებდადებული ადვოკატის წამების ფაქტს, რაც   გიორგი მდინარაძესთან მიმართებაშიბ მოხდა. არსად არ მსმენია სახელმწიფოს ხარჯზე დანიშნული ადვოკატი   პოლიციაში ეწამებინოთ მხოლოდ იმიტომ, რომ  არასრულწლოვანი დაცვის ქვეში მყოფ პირს განუმარტა უფლებები. ასევე არ მსმენია, რომ ის პირიები ვინც ბორკილები დაადო ადვოკატ გიორგი მდინარაძეს მსახურობდნენ პოლიციაში .

    მოვუწოდებ საქართველოს ხელიუფლებას, გამოიძიოს ადვოკატებზე ძალადობის ყველა ფაქტი, წინააღმდეგ შემთხვევაში ადვოკატების პროტესტი  შეუქცევად ხასიათს მიიღებს“.

    სრულად წაკითხვა
  • საერთაშორისო კონფერენცია დამოუკიდებელი, კვალიფიციური და ეთიკური ადვოკატის პროფესიისათვის

    2016 წლის 20-21 ივნისს თბილისში თბილისის სახელმწიფო უნივერსიტეტში  ადვოკატთა პროფესიული საქმიანობის დამოუკიდებლობის, ეთიკურობისა და კვალიფიკაციის შესახებ  საერთაშორისო კონფერენცია მიმდინარეობს.  კონფერენციას ქართული და საერთაშორისო ადვოკატთა ასოციაციების ოცდაათზე მეტი წარმომადგენელი ესწრება.

    კონფერენციის ორგანიზატორია საქართველოს ადვოკატთა ასოციაცია, ევროპის ადვოკატთა ასოციაციებისა და სამართლის საბჭოსთან (CCBE) და ივ. ჯავახიშვილის სახელობის თბილისის სახელმწიფო უნივერსიტეტთან თანამშრომლობით.

    კონფერენციის მხარდამჭერები არიან  ევროპის საბჭო, ევროკავშირი და გაეროს განვითარების პროგრამა (UNDP).

    კონფერენცია საქართველოს პრეზიდენტმა გიორგი მარგველაშვილმა გახსნა. მონაწილეებს სიტყვით მიმართეს: ზაზა ხატიაშვილი - საქართველოს ადვოკატთა ასოციაციის თავმჯდომარე, კრისტიან ურსე - საქართველოში ევროპის საბჭოს ოფისის ხელმძღვანელი, შომბი შარპი - გაეროს განვითარების პროგრამის (UNDP) მოქმედი ხელმძღვანელი საქართველოში, შტეფენ შთორქი - ევროკავშირის წარმომადგენლობის პროექტების განყოფილების უფროსის მოადგილე, და ირაკლი ბურდული - ივ. ჯავახიშვილის სახელობის თბილისის სახელმწიფო უნივერსიტეტის დეკანი.

    ორი დღის განმავლობაში, კონფერენციის მონაწილეები ისაუბრებენ ადვოკატების საერთო გამოწვევებზე და მიმოიხილავენ ადვოკატთა საქმიანობის საუკეთესო პრაქტიკას სხვადასხვა ქვეყანაში. კონფერენციის დასასრულს შედგება ადვოკატთა მიერ შემუშავებული ერთობლივი დოკუმენტის წარდგენა, რომელიც შემდგომში გამოქვეყნდება, როგორც რეკომენდაციების კრებული ადვოკატთა პროფესიული გაერთიანებებისათვის. ადვოკატთა პროფესიული საქმიანობის გაუმჯობესების მეშვეობით შესაძლებელი გახდება მართლმსაჯულების ეფექტიანობისა და სამართლიანობის უზრუნველყოფა მონაწილე ქვეყნებში. 

    სრულად წაკითხვა
  • ადვოკატებმა მოსამართლეებთან და პროკურორებთან ერთად ერთობლივ ტრენინგში მიიღეს მონაწილეობა

    ირიბი ჩვენებისა და ადამიანის უფლებათა ევროპული კონვენციის მე-6 მუხლით გათვალისწინებულ სტანდარტებზე ორდღიანი ერთობლივი  ტრენინგი გაიმართა. ტრენინგი ევროპის საბჭოსა და ევროკავშირის ერთობლივი პროექტის "საქართველოში ადამიანის უფლებათა ევროპული კონვენციის გამოყენება და ეროვნული კანონმდებლობისა და სასამართლო პრაქტიკის შესაბამისობაში მოყვანა ევროპულ სტანდარტებთან" ფარგლებში განხორციელდა და მიზნად ისახავდა ადამიანის უფლებათა ევროპული სასამართლოს პრაქტიკის გაზიარებას და არსებული გამოწვევების შესაბამისად, საერთო მიდგომების ჩამოყალიბებას. ტრენინგი საქართველოს ადვოკატთა ასოციაციის აღმასრულებელი საბჭოს წევრმა დავით ასათიანმა, საქართველოს მთავარი პროკურორის მოადგილემ გიორგი გაბიტაშვილმა, საქართველოში ევროპის საბჭოს ოფისის ხელმძღვანელის მოადგილემ ანა ზეცმა, სააპელაციო სასამართლოს მოსამართლემ, იუსტიციის უმაღლესი საბჭოს წევრმა ლევან თევზაძემ გახსნეს.
    სასწავლო კურსს ევროპის საბჭოს მოწვეული ექსპერტები ჯერემი მაკბრაიდი და ნანა მჭედლიძე უძღვებოდნენ. ტრენინგის ფარგლებში მონაწილეებმა განიხილეს ადამიანის უფლებათა ევროპული კონვენციის მე-6 მუხლი, მტკიცების ტვირთი და მტკიცებულების ზოგადი სტანდარტები, ჯვარედინი დაკითხვა, ირიბი ჩვენება, უდანაშაულობის პრეზუმფცია, საპროცესო შეთანხმება და სხვა მნიშვნელოვანი საკითხები. 
    ტრენინგი 2 დღე გრძელდებოდა და ის 36-მა მონაწილემ გაიარა. საქართველოს ადვოკატთა ასოციაციისთვის პრიორიტეტულია საქართველოში
    ადამიანის უფლებათა ევროპული სასამართლოს სტანდარტების დანერგვა და ამ მიმართულებით მხარს უჭერს ადვოკატების, პროკურორებისა და სისტემის გამომძიებლების გადამზადების პროცესს.

    სრულად წაკითხვა
  • ფრანგმა ადვოკატებმა ქართველ კოლეგებთან ერთად პროფესიულ გარანტიებზე იმსჯელეს

    24 ივნისს სასტუმროში „Rooms Hotel Tbilisi”  საქართველოს ადვოკატთა ასოციაციისა და პარიზის ადვოკატთა ასოციაციის „12 მდივნის კონფერენციის“ ერთობლივი მრგვალი მაგიდა გაიმართა. შეხვედრაზე  საქართველოში ადვოკატის პროფესიული გარანტიების დაცვის მექანიზმებზე იმსჯელეს და ადვოკატის უფლებების  დარღვევის, პროფესიული უფლებამოსილების განხორციელებაში ხელისშეშლის ფაქტები განიხილეს.

     

    შეხვედრაზე ადვოკატთა ასოციაციის თავმჯდომარე ზაზა ხატიაშვილმა კონკრეტული ადვოკატების უფლებების დარღვევის ფაქტებზე ისაუბრა. „12 მდივნის კონფერენციის“   საქმიანობის შესახებ პრეზენტაცია გააკეთა პარიზის ადვოკატთა ასოციაციის წევრმა მერაბ მურღულიამ. 

    სრულად წაკითხვა
  • ადვოკატის საქმიანობაში უკანონო ჩარევა სისხლის სამართლის წესით დასჯადი გახდა

    საქართველოს სისხლის სამართლის კოდექსში შეტანილი ცვლილებების თანახმად,  ბრალდებულის, მსჯავრდებულისა და გამართლებული პირის დაცვის განხორციელებისთვის ხელის შეშლის მიზნით ადვოკატის საქმიანობაში ამა თუ იმ ფორმით უკანონო ჩარევა დანაშაულად ჩაითვლება. ამგვარი ქმედება, გამომძიებლისა და პროკურორის საქმიანობაში უკანონო ჩარევის ანალოგიურად, დაისჯება ჯარიმით ან საზოგადოებისათვის სასარგებლო შრომით, ვადით 180-დან 240 საათამდე, ანდა თავისუფლების აღკვეთით ვადით 1 წლამდე.

     იგივე ქმედების ჩადენა სამსახურებრივი მდგომარეობის გამოყენებით დაისჯება ჯარიმით ან თავისუფლების აღკვეთით ვადით 2-დან 4 წლამდე, თანამდებობის დაკავების ან საქმიანობის უფლების ჩამორთმევით ვადით 3 წლამდე ან უამისოდ.

    გარდა ამისა, დამცველის (ადვოკატის) ან მისი ახლო ნათესავის მიმართ (იგულისხმება მშობელი, შვილად ამყვანი, შვილი, შვილობილი, პაპა, ბებია, შვილიშვილი, და, ძმა, მეუღლე) სიცოცხლის მოსპობის, ჯანმრთელობის დაზიანების, ანდა ქონების განადგურების ან დაზიანების მუქარა სასამართლოში საქმის განხილვასთან დაკავშირებით, სასჯელის სახით გამოიწვევს ჯარიმას ან თავისუფლების აღკვეთას ვადით 2 წლამდე.

    იგივე ქმედება, ჩადენილი ძალადობით, რომელიც საშიში არ არის სიცოცხლისათვის ან ჯანმრთელობისათვის – თავისუფლების აღკვეთას ვადით 2-დან 5 წლამდე;

    იგივე ქმედება, ჩადენილი ძალადობით, რომელიც საშიშია სიცოცხლისათვის ან ჯანმრთელობისათვის, გამოიწვევს თავისუფლების აღკვეთას ვადით 4-დან 7 წლამდე, ხოლო ჯგუფურად ან/და არაერთგზის ჩადენის შემთხვევაში - თავისუფლების აღკვეთას ვადით 7-დან 10 წლამდე.

    სრულად წაკითხვა
  • ადვოკატთა ასოციაცია საერთაშორისო ორგანიზაცებთან ურთიერთობებს აფართოვებს

    გერმანიის საერთაშორისო თანამშრომლობის ფონდის (GIZ) ინიციატივით  company law-ს ექსპერტ მარტინ გელტერთან   შეხვედრა გაიმართა, რომელიც მოქმედ სამეწარმეო კანონმდებლობაში არსებულ პრობლემატიკას დაეთმო.  
    სრულად წაკითხვა
  • საქართველოს ადვოკატთა ასოციაციის ორგანიზებით სამოქალაქო მართლმსაჯულების საპროცესო საკითხებზე დისკუსია გაიმართა

    7 ივლისს სასტუმროში ,,Rooms”-ში ადვოკატებმა და მოსამართლეებმა, Bench-Bar-ის ფორმატში, დისკუსია გამართეს სამოქალაქო სამართალწარმოების ისეთ აქტუალურ  საკითხებზე, როგორიცაა: ზიანის ანაზღაურების სამართებრივი ასპექტები დელიქტურ ვალდებულებებში, სარჩელის უზრუნველყოფის და უზრუნველყოფით მოსალოდნელი ზიანის ანაზღაურება (შებრუნების უზრუნველყოფა), მტკიცებულებათა შეგროვების და მტკიცების ტვირთის გადანაწილება შეჯიბრობითობის პრინციპის კონტექსტში.

     

    Bench-Bar-ის მუშაობას ადვოკატთა ასოციაციის საერთაშორისო მდივანი დავით ასათიანი უძღვებოდა. შეხვედრა აქტიური დისკურიის ფორმატში წარიმართა და აღინიშნა, რომ ასეთი ღონისძიებები, სხვადასხვა იურიდიული პროფესიების ჩართულობით, აუცილებელია ქვეყანაში ხარისხიანი მართლმსაჯულების დამკვიდრებისათვის.  

     

    შეხვედრა მხარდაჭერილი იყო  ამერიკის შეერთებული შტატების საერთაშორისო განვითარების სააგენტოს (USAID) კანონისუზენაესობისმხარდაჭერასაქართველოში“ (PROLoG) პროექტის მიერ.

    სრულად წაკითხვა
  • საქართველოს ადვოკატთა ასოციაციის ეთიკის კომისიის წევრები ბათუმში და სამტრედიაში იმყოფებოდნენ

    საქართველოს ადვოკატთა ასოციაციის ეთიკის კომისიის წევრებმა აჭარაში და სამტრდიაში მოღვაწე ადვოკატებთან გასვლითი შეხვედრა გაიმართეს. სხდომას ორმოცამდე ადვოკატი ესწრებოდა, სადაც განხილულ იქნა ეთიკის კომისიის კოლეგიებს შორის ერთგვაროვანი პრაქტიკის დამკვიდრების პრობლემატიკა. შეხვედრის განმავლობაში, კომისიის წევრებმა ადვოკატებთან ერთად განიხილეს ისეთი თემები როგორიც არის ეთიკის კომისიის გადაწყვეტილებების დასაბუთებულობა, კლიენტისთვის ინფორმაციის მიწოდების ვალდებულება, კეთილსინდისიერების და კვალიფიციურობის ვალდებულება, ადვოკატებს შორის ურთიერთობა, ურთიერთპატივისცემის და თანამშრომლობის ვალდებულება. ადვოკატებთან ერთად შეთანხმდენ, რომ მომავალში ხშირი შეხვედრები გამართონ ერთგვაროვანი პრაქტიკის დანერგვის მიზნით.

    სრულად წაკითხვა
  • ევროკავშირისა და ევროპის საბჭოს მხარდაჭერით მედიასთან შეხვედრა გაიმართა

    15-16 ივლისს, კახეთში მედიაწარმომადგენლებისა და  სამართლის პროფესიონალების სამუშაო შეხვედრა გაიმართა. საქართველოს ადვოკატთა ასოციაციის მიერ   აქცენტები გაკეთდა განხორციელებული საქმიანობის შესახებ ასოციაციის წევრების უფლებების დაცვის და ასოციაციის როლის გაძლიერების კუთხით, საერთაშორისო ურთიერთობებზე, ადვოკატთა პროფესიული განვითარებისა და პროფესიაში შემომსვლელთათვის  ახალი  სტანდარტის დადგენის შესახებ. 

    ჟურნალისტებს ჩაუტარდათ სემინარი ჟურნალისტური გამოხატვის თავისუფლება  და უფლება საქმის სამართლიან განხილვაზე -უდანაშაულობის პრეზუმფცია, სასამართლოს მიუკერძოებლობა, მართლმსაჯულების უზურპაცია. სამართალწარმოების კონტექსტში ჟურნალისტური გამოხატვის თავისუფლება და უფლება პირადი ცხოვრების დაცულობაზე. სემინარს  ექსპერტი ნანა მჭედლიძე  უძღვებოდა. 

    შეხვედრა ორგანიზებული იყო ევროკავშირისა და ევროპის საბჭოს ერთობლივი პროექტების მიერ - ,,საქართველოს ადვოკატთა ასოციაციის მხარდაჭერა" და ,,მედიის დამოუკიდებლობის, პროფესიონალიზმისა და პლურალიზმის გაძლიერება".

    სრულად წაკითხვა
  • მილოცვა

    ცნობილ ადვოკატს და მეცნიერს, ადვოკატთა ასოციაციის აღმასრულებელი საბჭოს წევრს, ბატონ როინ მიგრიალს ვულოცავთ დაბადების დღეს. ვუსურვებთ პროფესიულ წარმატებებს.
    ბატონი როინი კოლეგებსა და სამეცნიერო წრეებში დიდ ინტელექტით, პროფესიონალიზმით და მაღალი ადამიანური თვისებებით  გამოირჩევა.  იგი არის მრავალი სამეცნიერო ნაშრომის ავტორი და დიდი წვლილი აქვს შეტანილი ადვოკატის პროფესიის განვითარებაში.

    სრულად წაკითხვა
  • ადვოკატთა ასოციაციის თავმჯდომარის განცხადება პრეზიდენტის ოჯახის წევრზე განხორციელებელი ძალადობის გამო

    ადვოკატთა ასოციაციის თავმჯდომარე გაოგნებული ვარ ქვეყნის პირველი პირის, საქართველოს პრეზიდენტის ოჯახის წევრზე  განხორციელებული ძალადობის გამო, რაც იმის  მანიშნებელია, რომ დაიწყება ყველა იმ პირის და ოჯახის წევრის დევნა  ვისაც „შუშის სასახლის მბრძანებელი“ ივანიშვილი ცუდი თვალით უყურებს.

    ტელეკომპანია რუსთავი 2-ის  გენერალური დირექტორი, საკონსტიტუციო სასამართლოს თავმჯდომარე და უკვე საქართველოს პრეზიდენტი ივანიშვილის „ფეოდალური ხელისუფლების“ ძალადობის მსხვერპლი ხდება. ადვოკატთა ასოციაციის თავმჯდომარე რამოდენიმე თვეა ვიბრძვი, რომ პირი, რომელმაც ადვოკატი გიორგი მდინარაძე უკანონოდ დააკავა (რომელმაც არასრულწლოვნისთვის მიცემული კონსულტაციის გამო, ადვოკატ გიორგი მდინარაძეს ბორკილები დაადო), დღეის მდგომარეობით არ უნდა მუშაობდეს პოლიციაში და უნდა იჯდეს საბრალდებო სკამზე. ევროპის ადამიანის უფლებათა სასამართლოს მიერ კონვენციის მესამე მუხლის (წამება, არაადამიანური, არაჰუმანური  მოპყრობა)  დარღვევაში დადანაშაულებელი  საქართველოს სახელმწიფო რევაზ დვალიშვილის წამების გამო,  ნაცვლად იმისა, რომ  ჩაეტარებინა ეფექტური გამოძიება და  რევაზ დვალიშვილის  სავარაუდო მწამებელი რევაზ ქობულია დაესვა საბრალდებო სკამზე, ირაკლი ღარიბაშვილმა ივანიშვილის პრემიერმინსტრობის დროს  წყალტუბოს პოლიციის სამმართველოს უფროსად დანიშნა, რაც არ გაუკეთებია საქართველოს არცერთ ხელისუფლებას. რევაზ ქობულიას თავგამოდებული დაცვა ივანიშვილის ხელისუფლებამ დაუფასა შინაგან საქმეთა მინისტრის მოადგილე ბატონ თალაკვაძეს, რომელიც   წინასაარჩევნოდ, ,,ქართული ოცნების“  ახალი სახეების პრეზენტაციის დროს, ახალ სახედ მოგვევლინა. ვაფრთხილებდი საქართველოს მოსახლეობას,  ივანიშვილის ხელისუფლება მხოლოდ ადვოკატების დევნაზე არ შეჩერდებოდა და შედეგი სახეზეა,  აშანტაჟებენ საქართველოს პირველი პირის ოჯახის წევრს, რაც ანომალიური მოვლენაა და მიზნად ისახავს  არჩევნების წინ საქართველოს მოსახლეობაში შიშის სინდრომის დათესვას.   ივანიშვილმა შეინარჩუნა მურუსიძეების სასამართლო და ჭკუა დაგვარიგა, რომ თავი დავანებოთ მურუსიძეებს, პოლიციის მიერ განხორციელებულ ძალადობივ ქმედებებზე  ეფექტური გამოძიება არ ტარდება, კაბელების საქმეზე მიღებული პოლიტიკური გადაწყვეტილების გამო უდანაშაულო სამხედროები იხდიან სასჯელს  და  ა.შ.

     ყოველივე აღნიშნულის შემდეგ ნათელია, რომ ხელისუფლება  სამოქალაქო საზოგადოებასთან მიმართეაბაში ღია აგრესიაზე  გადავიდა, რაც სამოქალაქო საზოგადოების მხრიდან განგაშის საფუძველი  უნდა გახდეს. ჩემი აზრით, ხელისუფლება არჩევნების წინ ცდილობს  მოსახლეობაში  შიში დათესოს, რაც ძალიან ცუდად შემოუბრუნდება ივანიშვილის გაკოტრებულ ხელისუფლებას და  სააკაშვილის რეჟიმის პირველი პირების ბედს გაიზიარებს.

    სრულად წაკითხვა
  • საქართველოს ადვოკატთა ასოციაცია სამომავლო პრიორიტეტებს განსაზღვრავს

    27-28 ივლისსლოპოტაზეგაიმართა სამუშაო შეხვედრა საქართველოს ადვოკატთა ასოციაციის 2017-2018 წლების სამოქმედო გეგმის შემუშავების საკითხებზე. შეხვედრა გახსნა საქართველოს ადვოკატთა ასოციაციის თავმჯდომარემ ზაზა ხატიაშვილმა. ღონისძიებას ასევე ესწრებოდნენ გაეროს განვითარების პროგრამისა  (UNDP)და ევროკავშირისწარმომადგენლები.

    სამუშაო შეხვედრაზე განხილულ საკითხებს შორის იყოსაქართველოს ადვოკატთა ასოციაციის 2014-2018წლების სტრატეგიით გათვალისწინებული ამოცანები და მათი განხორციელება. შეხვედრის მონაწილეებმა იმსჯელესადვოკატების წინაშე არსებული გამოწვევების, ადვოკატთა უფლებების დაცვის, მართლმსაჯულების პროცესში ადვოკატის როლის გაძლიერების, ადვოკატთა პროფესიული განათლებისა და ეთიკის შესახებ.

    დიდი ყურადღება დაეთმო ისეთი საკითხების განხილვას, როგორიცააადვოკატთა ასოციაციის ინსტიტუციური განვითარება და ფინანსური მდგრადობა.

    საქართველოს ადვოკატთა ასოციაციის სამუშაო შეხვედრა გაიმართა გაეროსგანვითარებისპროგრამის (UNDP) ხელშეწყობით,ევროკავშირისა და გაეროსერთობლივიპროგრამისფარგლებში „ხელმისაწვდომიმართლმსაჯულებადაბავშვზემორგებულიმართლმსაჯულებისსისტემისგანვითარებასაქართველოში“.

    სრულად წაკითხვა
  • მართლმსაჯულების პრობლემურ საკითხებზე დისკუსია გაიმართა

    23-24 სექტემბერს, ბათუმსა და ქუთაისში ადვოკატებმა, მოსამართლეებმა და პროკურორებმა Bench-Bar-ისფორმატშიდისკუსია გამართეს სისხლის სამართალწარმოების ისეთ აქტუალურ თემებზეროგორიცაატრეფიკინგის, მიგრანტის უკანონო გადაყვანის, საზღვრის უკანონო გადაკვეთის და ასევე, ქმედების თაღლითობად კვალიფიკაციის პრობლემატური საკითხები.

    Bench-Bar-ის მუშაობას ადვოკატთა ასოციაციის საერთაშორისო მდივანი დავით ასათიანი უძღვებოდაშეხვედრა აქტიური დისკურიის ფორმატში წარიმართა და აღინიშნარომ ასეთი ღონისძიებებისხვადასხვა იურიდიული პროფესიების ჩართულობითაუცილებელია ქვეყანაში ხარისხიანი მართლმსაჯულების დამკვიდრებისათვის.

    შეხვედრა მხარდაჭერილი იყო ამერიკის შეერთებული შტატების საერთაშორისო განვითარების სააგენტოს (USAID) „კანონის უზენაესობის მხარდაჭერა საქართველოში“ (PROLoG) პროექტის მიერ.

    სრულად წაკითხვა
  • ადვოკატთა ასოციაციის თავმჯდომარემ უზენაესი სასამართლოს მოსამართლის კანდიდატურის წარდგენასთან დაკავშირებით ბრიფინგი გამართა

    28 იანვარს, ადვოკატთა ასოციაციის თავმჯდომარემ უზენაესი სასამართლოს მოსამართლის ვაკანტურ თანამდებობაზე ადვოკატი ირაკლი ყანდაშვილის კანდიდატურა წარადგინა. ადვოკატთა ასოციაციის თავმჯდომარის ზაზა ხატიაშვილის თქმით, ადვოკატი ირაკლი ყანდაშვილი იურიდიული პროფესიის წარმომადგენელი, მიუკერძოებელი, ყოველგვარი გავლენებისგან ნეიტრალური, მათ შორის, პოლიტიკური გავლენებისგან თავისუფალი პიროვნება გახლავთ. ბუნებით რეფორმატორი და ნოვატორი და ძალუძს მართლმსაჯულების სისტემაში ახალი და ჯანსაღი სისხლი შეიტანოს და აქტიური როლი შეასრულოს ქართული სასამართლო სისტემის განვითარებაში.

    სრულად წაკითხვა
  • საქპატენტის ახალი მიდგომები სასაქონლო ნიშნების ექსპერტიზის საკითხებთან დაკავშირებით მრგვალი მაგიდა გაიმართა

    1 მარტს საქართველოს ადვოკატთა ასოციაციის და ინტელექტუალური საკუთრების ეროვნული ცენტრის ,,საქპატენტი“ ორგანიზებით, ადვოკატებისა და პატენტრწმუნებულებისათვის მრგვალი მაგიდა გაიმართა, რომელზეც საქაპატენტის ახალი მიდგომები სასაქონლო ნიშნების ექსპერტიზის საკითხები განიხილეს. მრგვალი მაგიდა საქპატენტის თავმჯდომარე ნიკოლოზ გოგილიძემ და ადვოკატთა ასოციაციის თავმჯდომარე ზაზა ხატიაშვილმა გახსნეს. საქპატენტის თავმჯდომარემ სასაქონლო ნიშნების ექსპერტიზის საკითხებთან დაკავშირებით ისაუბრა. მრგვალი მაგიდა დისკუსიის ფორმატში წარიმართა და თანმშრომლობის სამომავლო გეგმები დაისახა.

    სრულად წაკითხვა
  • საქართველოს ადვოკატთა ასოციაციის ახალი ინიციატივა

    საქართველოს ადვოკატთა ასოციაციის აღმასრულებელი საბჭოს წევრის ადვოკატი ირაკლი ყანდაშვილის ინიციატივით დაიწყო მუშაობა ასოცაიციის Alumni-ს შექმნის პროცესი, რაც ითვალისწინებს თავის თავში ერთი მხრივ ასოციაციის ეგიდით და სახელით იმ ადვოკატების გაერთიანებას, რომელთაც აქვთ მიღებული მონაწილეობა საერთაშორისო კონფერენციებსა და ღონისძიებებში და მეორე მხრივ ითვალისწინებს შემდგომი მსგავსი ღონისძებების საშუალებების მოზიდვას და ქართველი ადვოკატებისათვის შეთავაზებას. ამ მიმართულებით ასოციაცია აგრძელებს მუშაობას და კონკრეტული ადვოკატების იდენტიფიცირებას და დაინტერესებული პირების პროცესში ჩართვას.

    სრულად წაკითხვა
  • გთხოვთ იხილოთ ევროპის ადვოკატთა ასოციაციების და სამართლის საბჭოს- (CCBE) -Newsletter 48.გთხოვთ იხილოთ ევროპის ადვოკატთა ასოციაციების და სამართლის საბჭოს- (CCBE) -Newsletter 48.

    სრულად წაკითხვა
  • ადვოკატთა ასოციაციაში გაიმართება იუსტიციის სამინისტროს მიერ შემუშავებული კანონპროექტის განხილვა

    ხუთშაბათს, 7 აპრილს, 18:00 ზე ადვოკატთა ასოციაციაში (ძმ. ზუბალაშვილების 36, თბილისი) გაიმართება იუსტიციის სამინისტროს მიერ შემუშავებული კანონპროექტის განხილვა, რომელიც ეხება ბრალდებულის და მოწმის ხასიათის შესახებ მტკიცებულებათა დასაშვებობას სისხლის სამართლის პროცესში. შეხვედრაზე განხილული იქნება აგრეთვე უცხო ქვეყნების გამოცდილება აღინიშნულ საკითხებთან დაკავშირებით. 

    დაინტერესების შემთხვევაში გთხოვთ დაგვიდასტუროთ დასწრება შემდეგ ნომერზე 571078800 ან email მისამართზე b.basharadze@gba.ge

    სრულად წაკითხვა
  • საქართველოს ადვოკატთა ასოციაციაში სისხლის სამართლის საპროცესო კოდექსში შესატანი ცვლილებების განხილვა გაიმართა

    07  აპრილს, ადვოკატთა ასოციაციაში  იუსტიციის სამინისტროს მიერ შემუშავებულისისხლის სამართლის საპროცესო კოდექსში შესატან ცვლილებების განხილვა გაიმართა. შეხვედრის მთავარი თემას სისხლის სამართლის საპროცესო  კოდექსის 76 2 მუხლის შემოთავაზებული რედაქცია წარმოადგენდა, რომელიც ითვალისწინებს ბრალდებულის და მოწმის ხასიათის მტკიცების ახალ რეგულაციებს. შეხვედრის მონაწილე ადვოკატებმა საზღვარგარეთის ქვეყნების გამოცდილება და  ქართული სასამართლო პრაქტიკა  განიხილეს. გამოითქვა მოსაზრებები კანონპროექტის  დახვეწასთან დაკავშირებით, რომელსაც შეხვედრის მონაწილეები   კანონპროექტის ინიციატორ უწყებას გადაუგზავნიან.

    სრულად წაკითხვა
  • ადვოკატთა ასოციაციის თავმჯდომარემ ქუთაისელ ადვოკატებთან შეხვედრები გამართა და მიმდინარე რეფორმები გააცნო

    22 აპრილს ადვოკატთა ასოციაციის ქუთაისის წარმომადგენლობაში ზაზა ხატიაშვილმა და ადვოკატთა ასოციაციის საერთაშორისო მდივანმა დავით ასათიანმა ადვოკატებთან შეხვედრები გამართეს. სადაც, ადვოკატთა ასოციაციაში განხორციელებული პროექტების ეფექტურობაზე ისაუბრეს და აღნიშნეს, რომ  პროფესიული განვითარება და ინსტიტუციური გაძლიერება  ასოციაციის მთავარ გამოწვევად რჩება. შეხვედრაზე, ზაზა ხატიაშვილმა  აღნიშნა, რომ ,,საქართველოს ადვოკატთა ასოციაცია იწყებს საქართველოში  ადვოკატის  პროფესიაში შემოსვლის  სტანდარტების დახვეწას და  ადვოკატობის მსურველებისთვის პროფესიაში შემოსვლის  სტაჟირების სისტემის  ევროპულ სტანდარტებამდე  მაქსიმალურად მიახლოვებას. სავალდებულო სტაჟირების სისტემა გულისხმობს, ადვოკატის პროფესიაში შემოსვლის მსურველის სასწავლო  და პრაქტიკული კურსის გავლის გზით პროფესიულ უნარ–ჩვევებში მომზადებას. სავალდებულო სტაჟირების სისტემის მიზანია, საადვოკატო საქმიანობის პრაქტიკული ცოდნისა და უნარ–ჩვევების მქონე  პირის პროფესიაში მიღება. სისტემა უნდა ამოქმედდეს 2017 წლის 1 იანვრიდან“.

     

     დავით ასათიანმა ადვოკატის სკოლის შექმნის პრიორიტეტებზე,  საერთაშორისო და დონორი ორგანიზაციების დახმარებაზე და მხარდაჭერაზე ისაუბრა: ,,ადვოკატთა ასოციაციის აღმასრულელ საბჭოს სურვილია,  საქართველოში   ადვოკატის სკოლა შეიქმნას, რომელსაც ადვოკატის გამოცდის ჩაბარების შემდეგ, ადვოკატობის მსურველი ყველა პირი გაივლის.    ადვოკატი  საერთაშორისო სტანდარტებს უნდა აკმაყოფილებდეს,  რათა ნებისმიერი მოქალაქე კვალიფიციური საადვოკატო  მომსახურებით იყოს დაცული.   აღნიშნული რეფორმა მიმდინარეობს „საქართველოს ადვოკატთა ასოციაციის“ ინიციატივით და მხარდაჭერილია ამერიკის შეერთებული შტატების საერთაშორისო განვითარების სააგენტოს კანონის უზენაესობის მხარდაჭერის პროექტის  და ევროპის საბჭოს და ევროკავშირის ერთობლივი პროექტის „საქართველოს ადვოკატთა ასოციაციის მხარდაჭერა“ მიერ“.

     

    სრულად წაკითხვა
  • ადვოკატთა ასოციაციის თავმჯდომარემ ბათუმში ადვოკატებთან შეხვედრები გამართა და მიმდინარე რეფორმები გააცნო

    22 აპრილს ადვოკატთა ასოციაციის ბათუმის წარმომადგენლობაში ზაზა ხატიაშვილმა და ადვოკატთა ასოციაციის საერთაშორისო მდივანმა დავით ასათიანმა ადვოკატებთან შეხვედრები გამართეს. სადაც, ადვოკატთა ასოციაციაში განხორციელებული პროექტების ეფექტურობაზე ისაუბრეს და აღნიშნეს, რომ  პროფესიული განვითარება და ინსტიტუციური გაძლიერება  ასოციაციის მთავარ გამოწვევად რჩება. შეხვედრაზე, ზაზა ხატიაშვილმა  აღნიშნა, რომ ,,საქართველოს ადვოკატთა ასოციაცია იწყებს საქართველოში  ადვოკატის  პროფესიაში შემოსვლის  სტანდარტების დახვეწას და  ადვოკატობის მსურველებისთვის პროფესიაში შემოსვლის  სტაჟირების სისტემის  ევროპულ სტანდარტებამდე  მაქსიმალურად მიახლოვებას. სავალდებულო სტაჟირების სისტემა გულისხმობს, ადვოკატის პროფესიაში შემოსვლის მსურველის სასწავლო  და პრაქტიკული კურსის გავლის გზით პროფესიულ უნარ–ჩვევებში მომზადებას. სავალდებულო სტაჟირების სისტემის მიზანია, საადვოკატო საქმიანობის პრაქტიკული ცოდნისა და უნარ–ჩვევების მქონე  პირის პროფესიაში მიღება. სისტემა უნდა ამოქმედდეს 2017 წლის 1 იანვრიდან“.

     

     დავით ასათიანმა ადვოკატის სკოლის შექმნის პრიორიტეტებზე,  საერთაშორისო და დონორი ორგანიზაციების დახმარებაზე და მხარდაჭერაზე ისაუბრა: ,,ადვოკატთა ასოციაციის აღმასრულელ საბჭოს სურვილია,  საქართველოში   ადვოკატის სკოლა შეიქმნას, რომელსაც ადვოკატის გამოცდის ჩაბარების შემდეგ, ადვოკატობის მსურველი ყველა პირი გაივლის.    ადვოკატი  საერთაშორისო სტანდარტებს უნდა აკმაყოფილებდეს,  რათა ნებისმიერი მოქალაქე კვალიფიციური საადვოკატო  მომსახურებით იყოს დაცული.   აღნიშნული რეფორმა მიმდინარეობს „საქართველოს ადვოკატთა ასოციაციის“ ინიციატივით და მხარდაჭერილია ამერიკის შეერთებული შტატების საერთაშორისო განვითარების სააგენტოს კანონის უზენაესობის მხარდაჭერის პროექტის  და ევროპის საბჭოს და ევროკავშირის ერთობლივი პროექტის „საქართველოს ადვოკატთა ასოციაციის მხარდაჭერა“ მიერ“. 

    სრულად წაკითხვა
  • „საქართველოს ადვოკატთა ასოციაციის მხარდაჭერის პროექტის“ დასკვნითი შეხვედრა

     ა.წ. 29 ივლისს, ევროპის საბჭოსა და ევროკავშირის ერთობლივმა პროექტმა საბოლოო მმართველი კომიტეტის შეხვედრა გამართა. 
    შეხვედრისას კომიტეტის წევრებმა მიმოიხილეს 2015 წლის იანვრიდან განხორციელებული აქტივობები და შეაჯამეს მიღწეული წარმატებები. 
    პროექტმა 18 თვის მანძილზე მხარი დაუჭირა საკანონმდებლო ბაზის გადახედვას, ასოციაციის მართვის უნარების გაძლიერებას, ეთიკის კომისიის საქმიანობას, განგრძობად იურიდიულ განათლებასა და საკვალიფიკაციო გამოცდას. 
    შედეგად, მომზადდა არაერთი რეკომენდაცია როგორც ასოციაციის საქმიანობის, ისე გამოცდის ფორმატის დახვეწის კუთხით, შემუშავდა და განახლდა ტრენინგის დაგეგმვის ფორმები, გამოქვეყნდა ეთიკის კომისიის 2014-16 წლების პრეცედენტების კრებული; 
    პროფესიაში შესვლისას მოსამზადებელი კურსის სასწავლო და სტაჟირების კომპონენტებზე დაწვრილებითი ინფორმაცია მიეწოდათ ასოციაციის წევრებს, მათი შემდგომი დანერგვის მიზნით.
    პროექტი დაფინანსდა ევროკავშირის მიერ „სომხეთის, აზერბაიჯანის, საქართველოს, მოლდოვას რესპუბლიკის, უკრაინის და ბელორუსიის პროგრამული თანამეგობრობის ჩარჩოს“ ფარგლებში. ევროპის საბჭო და ევროკავშირი აღნიშნულ სახელმწიფოებთან თანამშრომლობით ცდილობენ დაეხმარონ ამ ქვეყნებს ადამიანის უფლებების, კანონის უზენაესობასა და დემოკრატიაში ევროპული სტანდარტების დანერგვასა და მოქალაქეების ცხოვრების გაუმჯობესებაში.
    სრულად წაკითხვა
  • ადვოკატთა ასოციაციის თავმჯდომარე ზაზა ხატიაშვილმა ევროსაბჭოს წინ აქცია გამართა

    დღეს, 26 სექტემბერს  სტრასბურგში,  ევროპის საბჭოს წინ, ადვოკატთა ასოციაციის თავმჯდომარე ზაზა ხატიაშვილმა   საქართველოს ხელისუფლების მიერ, ევროპის  ადამიანის უფელბათა სასამართლოში ევა გოცირიძის კანდიდატურის წარდგენა გააპროტესტა.

     

    ზაზა ხატიაშვილი აღნიშნავს, რომ ევა გოცირიძეს არ გააჩნია მაღალი მორალური და ზნეობრივი კრიტერიუმები, რომელიც ევროპის ადამიანის უფლებათა სასამართლოს მოსამართლეს უნდა ახასიათებდეს. 2016 წლის 30 სექტემბერს  მოსამართლეობის თითოეულ კანდიდატთან დანიშნულია გასაუბრება. 2016 წლის 10 ოქტომბერს ევროპის საბჭოს ასამბლეა, ევროპის ადამიანის უფლებათა სასამართლოში  საქართველოდან ერთ-ერთ წევრს აირჩევს.

     

    ზაზა ხატიაშვილი ევროპის საბჭოში რამდენიმე შეხვედრას გამართავს.  მან უკვე მიმართა ევროპის საბჭოს ასამბლეას, არ დაუშვან ევა გოცირიძის კანდიდატურის  ევროპის ადამიანის უფლებათა სასამართლოში დამტკიცება.  საქართველოს ადვოკატთა ასოციაციის თავმჯდომარე სტრასბურგში ევროპის საბჭოს მიწვევით იმყოფება.

    სრულად წაკითხვა
  • ადვოკატთა ასოციაცია ადვოკატის პროფესიაში შესვლის სავალდებულო სტაჟირების სისტემის რეფორმას იწყებს

    01 თებერვალს საქართველოს ადვოკატთა ასოციაციამ ადვოკატის პროფესიაში შესვლის სავალდებულო სტაჟირების სისტემის კონცეფციის პრეზენტაცია გამართა, რომელსაც საერთაშორისო ორგანიზაციის წარმომადგენლები, საქართველოს პარლამენტის წევრები, მოსამართლეები და პროკურორები ესწრებოდნენ.

     

    ადვოკატთა ასოციაციის აღმასრულებელი საბჭოს წევრის და საგანმანათლებლო საბჭოს თავმჯდომარე ირაკლი ყანდაშვილის განცხადებით, სავალდებულო სტაჟირების სისტემა გულისხმობს, ადვოკატის პროფესიაში შემოსვლის მსურველის, პროფესიულ უნარ–ჩვევებში მომზადებას, სასწავლო  და პრაქტიკული კურსის გავლის გზით, სავალდებულო სტაჟირების სისტემის მიზანია, საადვოკატო საქმიანობის პრაქტიკული ცოდნისა და უნარ–ჩვევების მქონე  პირის პროფესიაში მიღება.

    სრულად წაკითხვა
  • ზაზა ხატიაშვილმა გიორგი მიქაუტაძის თბილისის საქალაქო სასამართლოს თავმჯდომარის თანამდებობაზე წარდგინებას ამაზრზენი ფაქტი უწოდა და მოსამართლის მიერ ჩადენილ უკანონო ქმედებების დამადასტურებელი მტკიცებულებები წარადგინა

    საქართველოს ადვოკატთა ასოციაციის თავმჯდომარე გმობს და სერიოზული საფრთხის შემცველს უწოდებს გიორგი მიქაუტაძის თბილისის საქალაქო სასამართლოს თავმჯდომარის თანამდებობაზე წარდგინებას.

     

    სახელმწიფოში სამართლებრივი კრიზისის პირობებში მოსამართლის თანამდებობისთვის შეუფერებელი პირის წარდგინება ლახავს სამართლიანი სასამართლოს ძირითად უფლებას და ძირს უთხრის ქვეყანაში კანონის უზენაესობის პრინციპს.

     

    ნიშანდობლივია, რომ თბილისის საქალაქო სასამართლოში 2015 წლის 28 აპრილს გამართული სასამართლო პროცესზე რობერტ გრიგალაშვილის სარჩელის განხილვისას, რომელიც ეხებოდა მისი ადვოკატთა ასოციაციაში გაწევრიანებაზე უარის თქმის შესახებ საქართველოს ადვოკატთა ასოციაციის გადაწყეტილების ბათილად ცნობას, მოსამართლე გიორგი მიქაუტაძემ გამოაცხადა სასამართლო გადაწყვეტილების სარეზოლუციო ნაწილი, ხოლო მხარეთათვის გადაცემულ დასაბუთებულ გადაწყვეტილებაში ასახა სულ სხვა მოტივირებულმა გადაწყვეტილებამ.

     

    აღნიშნულთან დაკავშირებით საქართველოს ადვოკატთა ასოციაციის თავმჯდომარემ 2015 წლის 23 ივნისს ოფიციალურად მიმართა საქართველოს მთავარ პროკურორს გიორგი ბადაშვილს მოსამართლე გიორგი მიქაუტაძის მხრიდან განხორციელებულ ქმედებასთან დაკავშირებით, რომელიც სავარაუდოდ შეიცავს საქართველოს სისხლის სამართლის კოდექსის 332-ე და 341-ე მუხლით გათვალისწინებული დანაშაულის ნიშნებს.

     

    მსგავსი ხასიათის დისციპლინური გადაცდომასთან დაკავშირებით, საქართველოს საერთო სასამართლოების მოსამართლეთა სადისციპლინო კოლეგიამ 2012 წლის 26 ოქტომბრის გადაწყვეტილებაში  ( საქმე საქმე №1/02-12 ) განმარტა, რომ:

    "აღნიშნულიდან გამომდინარე, საერთო სასამართლოების მოსამართლეთა სადისციპლინო კოლეგიამ მიიჩნია, რომ მოსამართლეებმა _ და _ უგულებელყვეს საქართველოს სამოქალაქო საპროცესო კანონმდებლობით დადგენილი მოთხოვნა, კერძოდ: მოსამართლეები ვალდებულნი იყვნენ, დასაბუთებული გადაწყვეტილების სარეზოლუციო ნაწილი ჩამოეყალიბებინათ მანამდე მხარისათვის ჩაბარებული გადაწყვეტილების სარეზოლუციო ნაწილის შეუცვლელად.

     

    ყოველივე ზემოთქმულიდან გამომდინარე, საერთო სასამართლოების მოსამართლეთა სადისციპლინო კოლეგიამ დადგენილად მიიჩნია, რომ მოსამართლეების  _ __________ __________ და __________ __________ ქმედებით დაირღვა საქართველოს სამოქალაქო საპროცესო კანონმდებლობით დადგენილი მოთხოვნა, რაც წარმოადგენს ,,საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ” საქართველოს კანონის მე-2 მუხლის მე-2 პუნქტის ,,ვ” ქვეპუნქტით გათვალისწინებულ დისციპლინურ გადაცდომას - მოსამართლის მოვალეობების არაჯეროვნად შესრულებას".

     

    აღსანიშნავია, რომ ზაზა ხატიაშვილის მომართვის (მოსამართლის მხრიდან განხორციელებული ქმედების თაობაზე) მიუხედავად შესაბამისი უწყებების მხრიდან დღეის მდგომარეობით არანაირი სახის რეაგირება არ განხორციელებულა.

    სრულად წაკითხვა
  • საქართველოს ადვოკატთა ასოციაციის დელეგაციამ ევროპის ადვოკატთა ასოციაციების და სამართლის საბჭოს აღმასრულებელი კომიტეტის სხდომაში მიიღო მონაწილეობა

    ქალაქ ვენაში  ევროპის ადვოკატთა ასოციაციების და სამართლის საბჭოს (CCBE) აღმასრულებელი კომიტეტის სხდომა  გაიმართა, რომელსაც  საქართველოს ადვოკატთა ასოციაციის  დელეგაცია ზაზა ხატიაშვილის, დავით ასათიანის  და ირაკლი ყანდაშილის შემადგენლობით ესწრებოდა.

      ქართულმა დელეგაციამ ყურადღება გაამახვილა პოლიციის დაწესებულებაში ადვოკატ გიორგი მდინარაძის წამების ფაქტზე და მადლობა გადაუხადა ევროპელ კოლეგებს მხარდაჭერისთვის. ,,ადვოკატის პოლიციის დაწესებულებაში წამება იმის გამო, რომ მან არასრულწლოვან მოწმეს გაუწია კონსულტაცია, არსად არ ხდება. ეს ფაქტი უნდა გახდეს დიდი პროტესტის საგანი ევროპის ადვოკატთა ასოციაციის წევრ ქვეყნებს შორის’’, აღნიშნეს ევროპის ადვოკატთა ასოციაციების და სამართლის საბჭოს აღმასრულებელი კომიტეტის წევრებმა.  ზაზა ხატიაშვილის განცხადებით, მოსამართლე შონიამ ადვოკატ გიორგი მდინარაძის მწამებელს შეუცვალა   საპატიმრო აღმკვეთი ღონისძიება და გირაოს სახით გაათავისუფლა, რაც  საგანგაშო ფაქტია. ეს მოსამართლე გამოირჩეოდა არასრუწლოვნების მიმართ საპატიმრო ღონისძიების გამოყენებით.  ადვოკატ გიორგი მდინარაძის წამების ფაქტი  მიანიშვნებს, რომ საჭიროა ერთობივი ბრძოლა რათა ადვოკატი იყოს დაცული და მან შეძლოს თავისი უფლებამოსილების განხორციელება შიშის და სახელმწიფო ჩარევის გარეშე.

    საქართველოს ადვოკატთა ასოციაციის აღმასრულებელი საბჭოს წევრმა დავით ასათიანმა ისაუბრა ადვოკატის იმუნიტეტის გაძლიერებაზე და აღნიშნა, რომ საჭიროა საქართველოს სისხლის სამართლის კოდექსში  შევიდეს ცვლილება და საადვოკატო საქმიანობისთვის  ხელის შეშლა გახდეს სისხლის სამართლის დანაშაული. დავით ასათიანმა ევროპელ კოლეგებს დახმარებისკენ მოუწოდა.

    საქართველოს ადვოკატთა ასოციაცის არსებობის ისტორიაში მოხდა პირველი შემთხვევა, რომ ქართველი ადვოკატი   ირაკლი ყანდაშვილი გახდა ევროპის ადვოკატთა ასოციაციის განათლების კომიტეტის წევრი და საგანმანათლებლო კომიტეტის სამუშაო შეხვედრაში მიიღო მონაწილეობა, რაც საქართველოს ადვოკატთა ასოციაციის დიდი აღიარება და პრესტიჟია.

    სრულად წაკითხვა
  • ნინო გვენეტაძე-მურუსიძისა, სამართლიანი სასამართლოს ბრძოლის სამარცხვინო დასასრული

    ადვოკატთა ასოციაციის თავმჯდომარე მოვითხოვ, თუ აქვს შერჩენილი ელემენტარული ღირსება, დაუყოვნებლივ გადადგეს საქართველოს  უზენაესი სასამართლოს თავმჯდომარე ნინო გვენეტაძე-მურუსიძისა.

    როდესაც ბატონმა პრეზიდენტმა სამოქალაქო სექტორს  უზენაესი სასამართლოს თავმჯდომარის კანდიდატების წარდგენა შესთავაზა, მიუხედავად იმისა, რომ  ადვოკატთა ასოციაციას ბევრად უკეთესი კანდიდატი გვყავდა წარდგენილი, მაინც მხარი დავუჭირეთ პრეზიდენტის გადაწყვეტილებას და მხარში დავუდექტით ნინო გვენეტაძეს, რათა  ფეხზე დაეყენებინა სასამართლო სისტემა.

    სრულად წაკითხვა
  • ადვოკატთა ასოციაციაში Alumni-ს შექმნის პროცესი ინტენსიურად მიმდინარეობს

    23 თებერვალს საქართველოს ადვოკატთა ასოციაციის აღმასრულებელი საბჭოს წევრის ადვოკატი ირაკლი ყანდაშვილმა მორიგი შეხვედრა გამართა ადვოკატებთან, რომლებმაც ადვოკატთა ასოციაციის ეგიდით მონაწილეობა მიიღეს სხვადასხვა საგანმანათლებლო პროგრამებში. ირაკლი ყანდაშვილის ინიციატივით მუშაობა დაიწყო ასოცაიციის Alumni-ს შექმნის პროცესმა, რაც ითვალისწინებს თავის თავში ერთი მხრივ ასოციაციის ეგიდით და სახელით იმ ადვოკატების გაერთიანებას, რომელთაც აქვთ მიღებული მონაწილეობა საერთაშორისო კონფერენციებსა და ღონისძიებებში და მეორე მხრივ ითვალისწინებს შემდგომი მსგავსი ღონისძებების საშუალებების მოზიდვას და ქართველი ადვოკატებისათვის შეთავაზებას. ამ მიმართულებით ასოციაცია აგრძელებს მუშაობას და კონკრეტული ადვოკატების იდენტიფიცირებას და დაინტერესებული პირების პროცესში ჩართვას.

    სრულად წაკითხვა

სიახლეების კალენდარი

September 2016
  • ორშ
  • სამ
  • ოთხ
  • ხუთ
  • პარ
  • შაბ
  • კვ
  • 29
  • 30
  • 31
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 1
  • 2

საკონტაქტო ინფორმაცია

ასოციაციის ადმინისტრაცია

2 224 654







ეთიკის კომისიის ცხელი ხაზი

2 200 262







სიახლეები

საწყისი > სიახლეები > პროფესიული სტაჟირება გერმანიაში

პროფესიული სტაჟირება გერმანიაში

საქართველოს ადვოკატთა ასოციაციის კომერციული სამართლის კომისიის და ორგანიზაცია ,,საქართველოს ადვოკატები დამოუკიდებელი პროფესიისათვის“ ერთობლივი პროექტის ფარგლებში ადვოკატებს შესაძლებლობა ეძლევათ გერმანიის საადვოკატო ბიუროში  პროფესიული სტაჟირება გაიარონ კომერციული სამართლის კუთხით. სტაჟირების ხანგრძლივობა–6 კვირა.

მოთხოვნები: მოქმედი ადვოკატი ( კომერციული სამართლის განხრით);

                         ასაკი –35 წლამდე;

                         გერმანული ენის ცოდნა სავალდებულოა.

 

განაცხადის შემოტანის საბოლოო ვადა არის 26 დეკემბერი 18:00 საათი.

გასაუბრება შედგება 27 დეკემბერს.

დაინტერესების შემთხვევაში გთხოვთ დაუკავშირდეთ ადვოკატთა ასოციაციის საზოგადოებათან ურთიერთობის სამსახურს, ეკა ხიმშიაშვილს ტელ: 597705555. ელ–ფოსტა pr@gba.ge.